തളിപ്പറമ്പില്‍ അന്താരാഷ്ട്ര ചന്ദനമാഫിയ  സംഘത്തിലെ പ്രതികള്‍ പിടിയില്‍; ചന്ദനവും ഓട്ടോറിക്ഷയും പിടികൂടി

തളിപ്പറമ്പ്: അന്താരാഷ്ട്ര ചന്ദനമാഫിയ സംഘത്തിലെ പ്രധാന പ്രതികള്‍ തളിപ്പറമ്പ് ഫോറസ്റ്റ് ഉദ്യോഗസ്ഥരുടെ പിടിയില്‍.
ഓലയമ്പാടി പെരുവാമ്പയിലെ പി.വി. നസീര്‍ (43), പെരുന്തട്ടയിലെ വത്സന്‍ രാമ്പോത്ത് (43) എം. ചിത്രന്‍ (42), കുവപ്രത്ത് ശ്രീജിത്ത്(37), പാണപ്പുഴയിലെ ബാലകൃഷ്ണന്‍(48), ചന്ദ്രന്‍(62), മാതമംഗലത്തെ സവിന്‍ വിസ്വനാഥന്‍ (25) എന്നിവരാണ് പിടിയിലായത്. മാതമംഗലത്തെ ജിഷ്ണു(25) എന്നയാള്‍ ഓടി രക്ഷപ്പെട്ടു. ഇയാളെ കണ്ടെത്താനുള്ള അന്വേഷണം തുടരുകയാണ്. ചന്ദനം കടത്താന്‍ ഉപയോഗിച്ച ഓട്ടോറിക്ഷയും പിടിച്ചെടുത്തു. 
ഇവരില്‍ നിന്ന് 2.600 കിലോഗ്രാം ചെത്തിയൊരുക്കിയ ചന്ദനവും 18 കിലോഗ്രാം ചീളുകളും പിടികൂടി. തളിപ്പറമ്പ് ഫോറസ്റ്റ് റേഞ്ച് ഓഫീസര്‍ പി. രതീശന്റെ നേതൃത്വത്തിലാണ് പ്രതികളെ പിടികൂടിയത്. വനംവകുപ്പ് എസ്.എഫ്.ഒമാരായ സി. പ്രദീപന്‍, എം. രഞ്ജിത്ത്, ബീറ്റ് ഫോറസ്റ്റ് ഓഫീസര്‍മാരായ ജിജേഷ്, നികേഷ്, മുഹമ്മദ് ഷാഫി, മിന്നു ടോമി, മനോജ് വര്‍ഗീസ്, ഡ്രൈവര്‍ പ്രദീപന്‍ എന്നിവര്‍ പ്രതികളെ പിടികുടിയ സംഘത്തിലുണ്ടായിരുന്നു.