കൊച്ചി: പീഡനക്കേസ് ഒത്തുതീര്‍പ്പാക്കാന്‍ പ്രതിയുടെ ഭാര്യയില്‍ നിന്ന് പണം ആവശ്യപ്പെട്ട പരാതിക്കാരിക്ക് എതിരെ കേസ്. 10 ലക്ഷം രൂപയാണ് ആവശ്യപ്പെട്ടത്. മലപ്പുറം സ്വദേശിനിയുടെ പരാതിയില്‍ ചേരാനെല്ലൂര്‍ പോലീസാണ് കേസെടുത്തത്. കോടതി നിര്‍ദേശത്തെത്തുടര്‍ന്നാണ് പരാതിക്കാരിക്കെതിരെ കേസെടുത്തത്.
കൊച്ചി നോര്‍ത്ത് പോലീസ് പരാതിക്കാരിയുടെ ഭര്‍ത്താവിനെതിരേ പീഡനക്കേസ് എടുക്കുകയും തുടര്‍ന്ന് യുവതി ഭര്‍ത്താവിനെ ജാമ്യത്തില്‍ ഇറക്കുകയായിരുന്നു. ഇതോടെ അതിജീവിത കേസ് പിന്‍വലിക്കാന്‍ 10 ലക്ഷം രൂപ യുവതിയോട് ചോദിക്കുകയും തന്റെ അഭിഭാഷകനെ വിളിക്കാനും ആവശ്യപ്പെട്ടു.
അഭിഭാഷകനും യുവതിയോട് അപമര്യാദയായി സംസാരിച്ചു. തുടര്‍ന്ന് യുവതി പോലീസില്‍ പരാതി നല്‍കുകയായിരുന്നു. എന്നാല്‍ പോലീസ് കേസെടുക്കാത്തതിനെത്തുടര്‍ന്ന് കോടതിയെ സമീപിക്കുകയായിരുന്നു.
പീഡനക്കേസ് ഒത്തുതീര്‍പ്പാക്കാന്‍ പ്രതിയുടെ ഭാര്യയില്‍ നിന്ന് 10 ലക്ഷം രൂപ ആവശ്യപ്പെട്ടു; യുവതിക്കെതിരേ കേസ്
Byadmin
Oct 3, 2024