കൊച്ചി: നടിയെ ആക്രമിച്ച കേസില്‍ നടന്‍ ദിലീപ് സുഹൃത്തായതിന്റെ പേരില്‍ തന്റെ പേര് കേസിലേക്ക് വലിച്ചിഴയ്ക്കപ്പെട്ടുവെന്ന് ആലുവ എം എല്‍ എ അന്‍വര്‍ സാദത്ത്. ത്യാവസ്ഥ അറിയാതെയാണ് തനിക്കെതിരെ നീക്കം നടന്നതെന്നും അന്‍വര്‍ സാദത്ത് പറഞ്ഞു.
ചാനലുകള്‍ റേറ്റിംഗിനായി കേസ് ഉപയോഗിച്ചപ്പോള്‍ തനിക്കുണ്ടായ ഡാമേജിന് ആര് മറുപടി പറയുമെന്നും അന്‍വര്‍ സാദത്ത് ചോദിച്ചു.
കേസില്‍ തനിക്ക് ഒരു ബന്ധവുമില്ല എന്ന് അറിഞ്ഞു കൊണ്ടാണ് ചില ചാനലുകള്‍ തനിക്കെതിരെ പ്രചരണം നടത്തിയതെന്നും അദ്ദേഹം കുറ്റപ്പെടുത്തി.
ദിലീപ് തന്റെ സുഹൃത്ത് തന്നെയാണ്. അതില്‍ യാതൊരു സംശയവുമില്ല. എന്നാല്‍, കേസില്‍ തന്നെ വെറുതെ വലിച്ചിഴച്ചു. ദിലീപ് വളരെ കഷ്ടപ്പെട്ട് പ്രയത്‌നിച്ച് ഉയരങ്ങളില്‍ എത്തി നില്‍ക്കെ പെട്ടെന്നാരു സുപ്രഭാതത്തില്‍ ഇങ്ങനെയുണ്ടായപ്പോള്‍ അതിന്റെ വസ്തുത മനസിലാക്കാതെ റേറ്റിങിന് വേണ്ടി അത് ഇടിച്ചുതാഴ്ത്തുമ്പോഴുണ്ടാകുന്ന നഷ്ടം വളരെ വലുതാണെന്നും അന്‍വര്‍ സാദത്ത് പറഞ്ഞു.
കാലടി പ്രസ് ക്ലബ് സംഘടിപ്പിച്ച പൊതു പരിപാടിയില്‍ ആയിരുന്നു അന്‍വര്‍ സാദത്തിന്റെ വിമര്‍ശനം.
നടന്‍ ദിലീപ് സുഹൃത്തായതിന്റെ പേരില്‍ എന്റെ പേര് കേസിലേക്ക് വലിച്ചിഴയ്ക്കപ്പെട്ടു, സത്യാവസ്ഥ അറിയാതെയാണ് എനിക്കെതിരെ നീക്കം നടന്നത്; ചാനലുകള്‍ റേറ്റിംഗിനായി കേസ് ഉപയോഗിച്ചപ്പോള്‍ തനിക്കുണ്ടായ ഡാമേജിന് ആര് മറുപടി പറയുമെന്ന് അന്‍വര്‍ സാദത്ത്
Byadmin
Oct 3, 2024