ന്യൂഡൽഹി: ഇടതുപക്ഷ രാഷ്‌ട്രീയത്തിന്റെ നിലപാടിൽ നിന്ന്‌ മാറുന്ന തരത്തിലുള്ള പ്രസ്‌താവനകളാണ്‌ പി വി അൻവറിന്റെ ഭാഗത്ത്‌ നിന്ന്‌ ഉണ്ടായത്‌ എന്ന്‌ സിപിഎം സംസ്ഥാന സെക്രട്ടറി എം വി ഗോവിന്ദൻ.
പാർട്ടി ശത്രുക്കളുടെ നിലപാടിലേക്ക് അൻവറിന്റെ പ്രസ്താവനകൾ മാറരുതെന്ന് നേരത്തെ പറഞ്ഞതാണ്. ഇത് എൽഡിഎഫ് വിരുദ്ധ നിലപാടാണ്. പാർട്ടി വിരുദ്ധ–സർക്കാർ വിരുദ്ധ നിലപാടുകൾ അൻവർ സ്വീകരിക്കുന്നു. അൻവറിന്റെ പരാമർശം സംബന്ധിച്ചുള്ള നിലപാട് അടുത്ത ദിവസം പറയുമെന്ന് ഗോവിന്ദന്‍ വ്യക്തമാക്കി.
പാർട്ടിക്കും ഇടതുപക്ഷ ജനാധിപത്യ മുന്നണി സർക്കാരിനുമെതിരായി പ്രതിപക്ഷം പോലും പറയാത്ത കാര്യങ്ങൾ പി.വി അൻവർ അവതരിപ്പിച്ചുവെന്നാണ് അറിയുന്നത്. വിവരങ്ങൾ പരിശോധിച്ച് ആവശ്യമായ നിലപാട് പാർട്ടി സ്വീകരിക്കുമെന്നും ഗോവിന്ദന്‍ പ്രതികരിച്ചു.
പാർട്ടി ശത്രുക്കളുടെ നിലവാരത്തിലേക്ക് അൻവറിന്റെ പരാമർശം മാറുന്നുണ്ടെന്ന് നേരത്തെ പറഞ്ഞിരുന്നു; പാർട്ടി വിരുദ്ധ–സർക്കാർ വിരുദ്ധ നിലപാടുകൾ അൻവർ സ്വീകരിക്കുന്നു; പ്രതിപക്ഷം പറയാത്ത കാര്യം പോലും സർക്കാരിനെതിരെ ഉന്നയിക്കുന്നു; വിവരങ്ങൾ പരിശോധിച്ച് ആവശ്യമായ നിലപാട് പാർട്ടി സ്വീകരിക്കും-എം.വി. ഗോവിന്ദന്‍
Byadmin
Sep 26, 2024