സൈബര്‍ തട്ടിപ്പ് കേസില്‍ പൊലീസിന് തിരിച്ചടി: 37 പ്രതികള്‍ക്ക് ജാമ്യം അനുവദിച്ച് കോടതി

ഡല്‍ഹി: സൈബര്‍ തട്ടിപ്പ് കേസില്‍ പൊലീസിന് തിരിച്ചടിയായി കോടതി വിധി. പ്രതികളായ 37 പേര്‍ക്ക് ജില്ലാ കോടതി തിങ്കളാഴ്ച ജാമ്യം അനുവദിക്കുകയായിരുന്നു. 
90 ദിവസത്തിനുള്ളില്‍ ചലാന്‍ ഹാജരാക്കാന്‍ പോലീസിന് കഴിഞ്ഞില്ലെന്ന് ചൂണ്ടിക്കാട്ടിയാണ് ജാമ്യം അനുവദിച്ചത്.
ഇന്‍ഡസ്ട്രിയല്‍ ഏരിയ ഫേസ് 8-ബിയിലെ വ്യാജ കോള്‍ സെന്റര്‍ റെയ്ഡ് ചെയ്ത് ജൂണ്‍ 25 ന് പോലീസ് അറസ്റ്റ് ചെയ്ത 37 പേര്‍ക്കാണ് ചീഫ് ജുഡീഷ്യല്‍ മജിസ്ട്രേറ്റ് (സിജെഎം) അനീഷ് ഗോയല്‍ ജാമ്യം അനുവദിച്ചത്.
ക്രിമിനല്‍ പ്രൊസീജ്യര്‍ കോഡിന്റെ (സിആര്‍പിസി) സെക്ഷന്‍ 167(2) പ്രകാരമാണ് പ്രതികളുടെ അഭിഭാഷകര്‍ ജാമ്യത്തിന് അപേക്ഷിച്ചത്. സമയബന്ധിതമായി ജാമ്യം നല്‍കണമെന്നത് ഉള്‍പ്പെടെയുള്ള ഉപാധികള്‍ക്ക് വിധേയമായാണ് കോടതി ജാമ്യം അനുവദിച്ചത്.
കേസില്‍ പൊലീസ് ചലാന്‍ ഹാജരാക്കിയെങ്കിലും 90 ദിവസത്തിനുള്ളില്‍ ഹാജരാക്കിയില്ലെന്ന് കോടതി ചൂണ്ടിക്കാട്ടി. ഇന്ത്യന്‍ ശിക്ഷാ നിയമത്തിലെ (ഐപിസി) 406 (ക്രിമിനല്‍ വിശ്വാസവഞ്ചന), 420 (വഞ്ചന), 120-ബി (ക്രിമിനല്‍ ഗൂഢാലോചന) എന്നിവ പ്രകാരം 37 പേര്‍ക്കെതിരെ ജൂണില്‍ പോലീസ് കേസെടുത്തിരുന്നു.
തിങ്കളാഴ്ച ഐപിസി സെക്ഷന്‍ 406, 420, 120-ബി, ഐടി നിയമത്തിലെ സെക്ഷന്‍ 66-സി, 66-ഡി എന്നിവ പ്രകാരമാണ് പോലീസ് ചലാന്‍ ഹാജരാക്കിയത്. 467, 465, 471 തുടങ്ങിയ കര്‍ശനമായ വകുപ്പുകള്‍ പൊലീസ് ചലാനില്‍ ഉള്‍പ്പെടുത്തിയിട്ടില്ല. 
നിശ്ചിത സമയത്തിനുള്ളില്‍ ചലാന്‍ സമര്‍പ്പിക്കുന്നതില്‍ പോലീസ് പരാജയപ്പെട്ടുവെന്ന് പ്രതികളുടെ അഭിഭാഷകരായ കന്‍വല്‍ ദീപ് സിംഗ് സിദ്ധുവും രാജേഷ് കുമാറും വാദിച്ചു. ഈ വാദം കണക്കിലെടുത്താണ് പൊലീസ് പ്രതികള്‍ക്ക് ജാമ്യം അനുവദിച്ചത്.