കൊല്ലവര്‍ഷം 1200
കന്നി 1
ചതയം/ചതുര്‍ദശി
2024 സെപ്റ്റംബര്‍ 17
ചൊവ്വ
ഇന്ന്;
നാലാം ഓണം!
വിശ്വകര്‍മ്മ ജയന്തി
ഇന്ന്
പൗരാണിക ഭാരതത്തിലെ ശില്‍പ്പികളില്‍ പ്രമുഖനും പ്രധാനിയുമായി പുരാണങ്ങളില്‍ വാഴ്ത്തപ്പെടുന്ന നിര്‍മ്മാണ തൊഴിലുകളില്‍ ഏര്‍പ്പെടുന്ന ഭാരതീയരുടെ ദൈവവും ജഗത് സ്രഷ്ടാവുമായ വിശ്വകര്‍മ്മാവിന്റെ ജയന്തി; ഭാരതത്തിലെ 5,60,000 ഗ്രാമങ്ങളിലെ രണ്ടു കോടിയോളം വരുന്ന വിശ്വകര്‍മ്മജരും തൊഴിലാളികളും സെപ്തംബര്‍ 17 വിശ്വകര്‍മ്മദിനമായും ദേശീയ തൊഴിലാളിദിനമായും ആചരിച്ചു പോരുന്നു. പ്രധാനമന്ത്രി നരേന്ദ്ര മോഡിയുടെ ജന്മദിനം (1950) ദേശീയ തൊഴിലില്ലായ്മ ദിനം; നരേന്ദ്ര മോദിയുടെ ജന്മദിനം ദേശീയ തൊഴിലില്ലായ്മ ദിനമായി 2020 മുതല്‍ ആചരിക്കുന്നു. പന്നിയാര്‍ പെന്‍സ്റ്റോക്ക് ദുരന്തം (2017)
വെള്ളത്തൂവലിനെ വിറങ്ങലിപ്പിച്ച കുത്തൊഴുക്കിന്റെ കരാള ഹസ്തങ്ങള്‍ എട്ട് മനുഷ്യജീവനുകള്‍ കവര്‍ന്നെടുത്തിട്ട് 7 വര്‍ഷം. ആഴ്ചകള്‍ നീണ്ടുനിന്ന തിരച്ചിലിലാണ് പലരുടേയും മൃതദേഹങ്ങള്‍ കണ്ടെത്താന്‍ കഴിഞ്ഞത്.
ലോക രോഗിസുരക്ഷാദിനം
ലോകമെമ്പാടുമുള്ള രോഗികളുടെ മരണത്തിനും രോഗാവസ്ഥയ്ക്കും കാരണമാകുന്ന പ്രകൃത പ്രതികൂല സംഭവങ്ങള്‍ മൂലമുള്ള ഈ മരണങ്ങളില്‍ പലതും മെച്ചപ്പെട്ട വിദ്യാഭ്യാസവും പരിചരണവും കൊണ്ട് തടയാവുന്നതാണ്. സുരക്ഷിതമല്ലാത്ത രീതികളിലൂടെ ചികിത്സ നടത്തി ആളുകളില്‍ ഉണ്ടാക്കുന്ന അപകടങ്ങളെയും ആഘാതങ്ങളെയും കുറിച്ച് പ്രാദേശികവും ആഗോളവുമായ അവബോധം വര്‍ദ്ധിപ്പിക്കുക എന്നതാണ് ഈ ദിനത്തിന്റെ ഉദ്ദേശം.
അന്തര്‍ദേശീയ ഗ്രാമീണ സംഗീത ദിനം ലോകത്തിലെ ഏറ്റവും ജനപ്രിയമായ സംഗീത രീതികളിലൊന്നാണ് നാടന്‍ സംഗീതം. ഈ പ്രത്യേക തരം സംഗീതം അംഗീകരിയ്ക്കണമെന്ന ആശയം യു.എസ്.എയില്‍ നിന്നാണ് ഉത്ഭവിച്ചത്. അങ്ങനെ അന്താരാഷ്ട്ര നാടന്‍ സംഗീത ദിനം 1950കളില്‍ സ്ഥാപിതമായി. ഇതെല്ലാ വര്‍ഷവും സെപ്റ്റംബര്‍ 17ന് ആഘോഷിക്കപ്പെടുന്നു.
ലോക വാലന്‍ തിരണ്ടി ദിനം അടവാലന്‍ തിരണ്ടി, കൊടിവാലന്‍ തിരണ്ടി, ഓലപ്പടിയന്‍ തിരണ്ടി എന്നീ പേരുകളുമുണ്ട്. ചെങ്കടല്‍, അറേബ്യ, ഇന്ത്യ, ശ്രീലങ്ക, മ്യാന്മര്‍, സിംഗപ്പൂര്‍, മലയ ദ്വീപസമൂഹം, ഇന്തോ-ചൈന എന്നിവിടങ്ങളില്‍ ഈ ഇനം തിരണ്ടി കാണപ്പെടുന്നു.
ഗെറ്റ് റെഡി ഡേ
ഏതെങ്കിലും തരത്തിലുള്ള അടിയന്തിര സാഹചര്യങ്ങളില്‍ എന്തുചെയ്യണമെന്ന് മനസിലാക്കാന്‍ നിങ്ങളുടെ കമ്മ്യൂണിറ്റിയുമായോ കുടുംബവുമായോ അല്ലെങ്കില്‍ നിങ്ങളുമായോ ഒരുമിച്ച് ചേരുക, എന്ത് വന്നാലും തയ്യാറാകുക. ഒരു അടിയന്തര സാഹചര്യം നേരിടാന്‍ തയ്യാറാവുക എന്നത് ഏതൊരാള്‍ക്കും പ്രധാനമാണ്, ഇതാണ് ഗെറ്റ് റെഡി ഡേയുടെ കാര്യം! പ്രകൃതി ദുരന്തങ്ങള്‍, പാന്‍ഡെമിക് രോഗങ്ങള്‍, പകര്‍ച്ചവ്യാധികള്‍, മറ്റ് പ്രതിസന്ധി സംഭവങ്ങള്‍ എന്നിവയില്‍ എന്താണ് വേണ്ടതെന്ന് പരിഗണിക്കാന്‍ വ്യക്തികളെയും കുടുംബങ്ങളെയും കമ്മ്യൂണിറ്റികളെയും പ്രോത്സാഹിപ്പിക്കുന്നതിനുള്ള ഒരു മാര്‍ഗ്ഗമായാണ് ഗെറ്റ് റെഡി ഡേ ഇത് ഓരോ വര്‍ഷവും അരങ്ങേറുന്നത്.
ഓസ്ട്രേലിയന് പൗരത്വ ദിനം
ഓസ്ട്രേലിയന് പൗരത്വ ദിനം ഒരു ഓസ്ട്രേലിയന് എന്നതിന്റെ അര്‍ത്ഥം ആഘോഷിക്കാനുള്ള ഒരു പ്രത്യേക ദിനമാണ്. രാഷ്ട്രത്തെ ഒന്നിപ്പിക്കുന്ന മൂല്യങ്ങളില്‍ ഈ ദിവസം വെളിച്ചം വീശുന്നു. അഭിമാനവും സമൂഹമനസ്സും നിറഞ്ഞ ദിവസമാണിത്. പുതിയ പൗരന്മാരായി മാറിയവരെ ആദരിക്കാന്‍ ആളുകള്‍ ഈ ദിവസം ആഘോഷിക്കുന്നു. പ
ദേശീയ പ്രൊഫഷണല്‍ ഹൗസ് ക്ലീനേഴ്‌സ് ദിനം
ധനാഷണല്‍ പ്രൊഫഷണല്‍ ഹൗസ് ക്ലീനേഴ്‌സ് ദിനം സെപ്റ്റംബര്‍ 17-ന് ഞങ്ങളുടെ കലണ്ടറുകള്‍ പ്രകാശിപ്പിക്കുന്നു. നമ്മുടെ വീടുകള്‍ വൃത്തിയായി സൂക്ഷിക്കുന്ന കഠിനാധ്വാനികളായ വ്യക്തികളെ ഈ ദിവസം ആദരിക്കുന്നു.
ദേശീയ വളര്‍ത്തുപക്ഷി ദിനം
പക്ഷി സ്‌നേഹികള്‍ക്കും വളര്‍ത്തുമൃഗ പ്രേമികള്‍ക്കും ദേശീയ പെറ്റ് ബേര്‍ഡ് ഡേ ആഘോഷിക്കാനും ആസ്വദിക്കാനും ധാരാളമായി ഈ ദിനം ആഘോഷിക്കാം.
തമിഴ്‌നാട് സാമൂഹിക നീതി ദിനം
പെരിയോര്‍ ഇ.വി. രാമസ്വാമി നായ്കരുടെ ജന്മദിനം സാമൂഹിക നീതി ദിനമായി 2021 മുതല്‍ തമിഴ്‌നാട് സര്‍ക്കാര്‍ ആചരിക്കുന്നു.
മറാത്ത്വാഡ ലിബറേഷന്‍ ദിനം
ഇന്നത്തെ മൊഴിമുത്ത് വികാരത്തിനു അടിമപ്പെടുന്നവന്‍ തലകുത്തി നില്‍ക്കുന്നവനെപ്പോലാണ്. എല്ലാം തലതിരിഞ്ഞേ കാണൂ.
– (പ്ലേറ്റോ)
ജന്മദിനം
സ്വാതന്ത്ര്യാനന്തര തലമുറയില്‍ ജനിച്ച ആദ്യത്തെ പ്രധാനമന്ത്രിയും, നെഹ്രുവിനു ശേഷം തുടര്‍ച്ചയായി രണ്ടു തവണ പ്രധാനമന്ത്രി പദത്തിലെത്തിയ ബി.ജെ.പിയുടെ പ്രധാന രാഷ്ട്രീയ നേതാവുമായ നരേന്ദ്ര ദാമോദര്‍ദാസ് മോദി എന്ന നരേന്ദ്ര മോഡിയുടെയും (1950), 1993ല്‍ ജ്ഞാനപീഠം ലഭിച്ച ഐ.എ.എസ്. ഓഫീസര്‍ കൂടിയായിരുന്ന ഒറിയന്‍ കവി സിതാകാന്ത് മഹാ പാത്രയുടേയും (1937), തമിഴ്, തെലുങ്ക്, ഹിന്ദി ചിത്രങ്ങളില്‍ അഭിനയിക്കുന്ന അഭിനേതാവും മോഡലുമായ തെന്നിന്ത്യന്‍ ചലച്ചിത്ര നടി പ്രിയ ആനന്ദിന്റേയും (1986), മലയാള ചലചിത്ര അഭിനേത്രിയും മോഡലും ഡാന്‍സറുമായ ധന്യ മേരി വര്‍ഗീസിന്റെയും (1985) ജന്മദിനം.
സ്മരണാഞ്ജലി
പി.കെ. അബ്ദുള്‍ ഖാദിര്‍ (1921-1971)
ജി. കുമാരപിള്ള (1923-2000)
അന്ന മല്‍ഹോത്ര (1927-2018)
ക്യാപ്റ്റന്‍ രാജു/രാജു ഡാനിയേല്‍ (1950-2018)
സുധീര്‍ (നടന്‍) (1947-2004)
മീന (നടി) (19411-997)
ജോസ് ചിറമ്മല്‍ (1954-2006)
തകഴി കുട്ടന്‍പിള്ള (2007)
താണു പദ്മനാഭന്‍ (1957-2021)
ടി.കെ. ഗോവിന്ദറാവു (1929-2011)
വി. കല്യാണസുന്ദരം മുതലിയാര്‍ (1883-1953)
വിശുദ്ധ ഹില്‍ഡഗാര്‍ഡ് (1098-1179)
വില്യം ഹെന്റി ഫോക്‌സ് താല്‍ബോട്ട് (1800-1877)
കാള്‍ പോപ്പര്‍ (1902-1994)
കൊടുങ്ങല്ലൂര്‍ നിയോജക മണ്ഡലത്തെ രണ്ടാം കേരള നിയമസഭയില്‍ പ്രതിനിധീകരിച്ച ഇന്ത്യന്‍ നാഷണല്‍ കോണ്‍ഗ്രസ് പ്രതിനിധി പി.കെ. അബ്ദുള്‍ ഖാദിര്‍.
(17 മാര്‍ച്ച് 1921-17 സെപ്തംബര്‍ 1971)
പൗരവകാംശം, മദ്യനിരോധനം, ഗാന്ധിമാര്‍ഗ്ഗം തുടങ്ങിയ മേഖലകളില്‍ സജീവമായി പ്രവര്‍ത്തിച്ച തികഞ്ഞ ഒരു ഗാന്ധിയനും, കേരള സാഹിത്യ അക്കാദമി നിര്‍വ്വാഹക സമിതി അംഗവും, അരവിന്ദന്റെ ഉത്തരായനം എന്ന സിനിമയിലെ ‘ഹൃദയത്തിന്‍ രോമാഞ്ചം’. എന്നു തുടങ്ങുന്ന കവിതയടക്കം അരളിപ്പൂക്കള്‍, മരുഭൂമിയുടെ കിനാവുകള്‍, ഓര്‍മ്മയുടെ സുഗന്ധം, സപ്തസ്വരം തുടങ്ങിയ കൃതികള്‍ രചിച്ച കവിയും ഗാന്ധിയനും അദ്ധ്യാപകനുമായിരുന്ന ജി. കുമാരപിള്ള.
(22 ആഗസ്റ്റ് 1923-17 സെപ്റ്റംബര്‍ 2000)
മികച്ച നടനുള്ള കേരളസംസ്ഥാന ചലച്ചിത്ര പുരസ്‌കാരം ലഭിച്ച ‘സത്യത്തിന്റെ നിഴലില്‍’ അടക്കം 95 ചലച്ചിത്രങ്ങളില്‍ അഭിനയിച്ച പടിയത്ത് അബ്ദുള്‍ റഹിം എന്ന സുധീര്‍.
(194717 സെപ്റ്റംബര്‍ 2004)
മാക്ബത്ത്, ലെപ്രസി പേഷ്യന്റ്സ്, റെയിന്‍ബോ, മുദ്രാരാക്ഷസം, സൂര്യവേട്ട, ഭോമ,അച്യുതന്റെ സ്വപ്നം, പാടിക്കുന്ന്, രംഗഭൂമി തുടങ്ങിയ നാടകങ്ങള്‍ സംവിധാനം ചെയ്ത ജോസ് ചിറമ്മല്‍.
(1953 ജനുവരി 1-2006 സെപ്റ്റംബര്‍ 17)
പ്രമുഖ കഥകളി കലാകാരന്മാരുമൊത്ത് ഇന്ത്യയിലും വിദേശത്തും നിരവധി കഥകളി പരിപാടികള്‍ അവതരിപ്പിച്ചിട്ടുള്ള പ്രശസ്ത സംഗീതജ്ഞനും കഥകളി സംഗീതത്തിന്റെ തെക്കന്‍ ശീലിന്റെ ഉപജ്ഞാതാവായിരുന്ന തകഴി കുട്ടന്‍പിള്ള.
(2007 സെപ്റ്റംബര്‍ 17)
ആദ്യകാല മലയാളി ചലച്ചിത്ര പിന്നണി ഗായകനും പ്രശസ്ത കര്‍ണാടക സംഗീതജ്ഞനുമായിരുന്ന തൃപ്പൂണിത്തുറ കൃഷ്ണറാവു ഗോവിന്ദറാവു എന്ന ടി.കെ. ഗോവിന്ദറാവു.
(21 ഏപ്രില്‍ 1929-18 സെപ്റ്റംബര്‍ 2011)
ഇന്നത്തെ ജര്‍മ്മനിയുടെ ഭാഗമായ റൈന്‍ പ്രദേശത്തെ ബിഞ്ചനില്‍ ജീവിച്ചിരുന്ന ‘റൈനിനെ പ്രവാചിക എന്നറിയപ്പെടുന്ന ക്രൈസ്തവ സന്യാസിനിയും എഴുത്തുകാരിയും സംഗീതവിന്യാസം, തത്ത്വചിന്ത, മിസ്റ്റിസിസം, സസ്യശാസ്ത്രം, ചികിത്സാശാസ്ത്രം എന്നീ മേഖലകളില്‍ പ്രഗത്ഭയും ക്രിസ്തു മതത്തിലെ ആദ്യത്തെ ദൈവശാസ്ത്രജ്ഞയുമായ ഹില്‍ഡഗാര്‍ഡ് അഥവാ വിശുദ്ധ ഹില്‍ഡഗാര്‍ഡ്.
(1098, 17 സെപ്റ്റംബര്‍ 1179
ഫോട്ടോഗ്രാഫിയുടെ സങ്കേതം വികസിപ്പിച്ചെടുക്കുകയും 1844-ല്‍ ക്യാമറാ ഫോട്ടോഗ്രാഫുകളുള്ള ലോകത്തിലെ ആദ്യത്തെ പുസ്തകം ദി പെന്‍സില്‍ ഒഫ് നേച്ചര്‍ പ്രസിദ്ധപ്പെടുത്തുകയും ചെയ്ത ബ്രിട്ടിഷ് ശാസ്ത്രജ്ഞന്‍ വില്യം ഹെന്റി ഫോക്‌സ് താല്‍ബോട്ട്.
(11 ഫെബ്രുവരി 180017 സെപ്റ്റംബര്‍ 1877)
അറുനൂറോളം മലയാളചലച്ചിത്രങ്ങളില്‍ അഭിനയിച്ചിട്ടുള്ള ഒരു മലയാള ചലച്ചിത്ര നടിയായിരുന്ന മേരി ജോസഫ് എന്ന മീന.
(1941 ഏപ്രില്‍ 23-1997 സെപ്റ്റംബര്‍ 17)
രാഷ്ട്രീയ-സാമ്പത്തിക മേഖലകളില്‍, അപ്രാപ്യമായ ‘അന്തിമ പരിഹാരങ്ങളില്‍’ ആശവയ്ക്കുന്നതിനു പകരം സാമൂഹ്യ യന്ത്രശാസ്ത്രത്തിന്റെ ക്രമാനുഗതമായ മാര്‍ഗ്ഗം പിന്തുടരുകയാണ് മനുഷ്യസമൂഹങ്ങള്‍ ചെയ്യേണ്ടതെന്ന് വാദിക്കുകയും, സംഘര്‍ഷരഹിതമായ ആദര്‍ശസമൂഹത്തെ സംബന്ധിച്ച അമൂര്‍ത്തസങ്കല്പങ്ങളേയും അവയുടെ പേരില്‍ മനുഷ്യവ്യക്തികളെ നിയന്ത്രിക്കാന്‍ ശ്രമിച്ച ഇടം-വലം പക്ഷങ്ങളിലെ സമഗ്രാധിപത്യങ്ങളുടെ അസഹിഷ്ണുതയേയും വിമര്‍ശിച്ച ബ്രിട്ടീഷ് ദാര്‍ശനികന്‍ കാള്‍ റെയ്മണ്ട് പോപ്പര്‍.
(ജൂലൈ 28, 1902-1994 സെപ്റ്റംബര്‍ 17)
ഇന്ന് ജന്മദിനമാചരിക്കുന്ന ഇപ്പോള്‍ നമ്മോടൊപ്പമില്ലാത്തനമ്മുടെ മുന്‍ഗാമികളില്‍ ചിലര്‍.
കോണ്‍സ്റ്റാന്റ്റിന്‍ സിയോള്‍സ്‌കി (18571935)
ഫ്രഡറിക് ബെര്‍ണാഡ് റീമാന്‍ (18261866)
പട്ടിക്കംതൊടി രാവുണ്ണി മേനോന്‍ (18811949)
ഐ.കെ. കുമാരന്‍ (19031999)
കെ.ജി. മാരാര്‍ (1934-1995)
ഇ.വി. രാമസ്വാമി നായ്ക്കര്‍ (1879-1973)
എം.എഫ്. ഹുസൈന്‍ (1915-2011)
അനന്ത് പൈ (1929-2011)
ലാല്‍ഗുഡി ജയരാമന്‍ (1930-2013)
വില്യം ഗോപാലവ (1897-1981)
ഴാങ് ക്ലോദ് കാരി (1931-2021)
ലാംബ്രറ്റ് മസ്‌ക്രിനാസ് (1914-2021)
ഹില്‍ഡെഗാര്‍ഡ് വോണ്‍ ബിന്‍ജെന്‍ (1098-1179)
കോട്ടയം തമ്പുരാന്റെ പ്രസിദ്ധമായ കഥകളെല്ലാം തന്നെ ഇന്നു കാണുന്ന രീതിയില്‍ ചിട്ടപ്രകാരമാക്കി, കല്ലുവഴിചിട്ടക്ക് ഭംഗി വരുത്തിയ ആധുനിക കഥകളിയുടെ പിതാവ് എന്ന് വിശേഷിപ്പിക്കാവുന്ന നടനും അദ്ധ്യാപകനുമായ പട്ടിക്കംതൊടി രാവുണ്ണി മേനോന്‍.
(1881 17 സെപ്റ്റംബര്‍-1949)
മയ്യഴിയുടെ വിമോചനത്തിന് നേതൃത്വം നല്‍കിയ മഹാജനസഭയുടെ നേതാവായിരുന്ന മയ്യഴി ഗാന്ധി എന്ന ഐ.കെ. കുമാരന്‍.
(1903 സെപ്റ്റംബര്‍ 17-ജൂലൈ 26 1999),
അന്ധവിശ്വാസങ്ങളെപ്പറ്റിയും അതു വളര്‍ത്തുന്നവരെക്കുറിച്ചും ജനങ്ങളെ ബോധവാന്മാരാക്കുന്നത് തന്റെ കര്‍ത്തവ്യമായി കരുതുകയും, അബ്രാഹ്മണരുടെ സമസ്ത ജീവിത മേഖലകളിലുമുള്ള പുരോഗതി ലക്ഷ്യമാക്കി സെല്‍ഫ് റെസ്‌പെക്ട് മൂവ്‌മെന്റിന് നേതൃത്വം നല്‍കുകയും, ക്ഷേത്രങ്ങളെയും, ബ്രാഹ്മണരേയും ബഹിഷ്‌ക്കരിക്കുവാന്‍ ആഹ്വാനം നല്‍കുകയും, ഒപ്പം വിവാഹച്ചടങ്ങുകളില്‍ ബ്രാഹ്മണ പൂജാരികള്‍ വേണ്ടെന്നു നിഷ്‌ക്കര്‍ഷിക്കുകയും, തുടര്‍ന്ന് ‘ദ്രാവിഡ കഴകം’ എന്ന സംഘടനയ്ക്കു രൂപം നല്‍കുകയും ചെയ്ത സാമൂഹ്യ പരിഷ്‌കര്‍ത്താവായ ഈറോഡ് വെങ്കട രാമസ്വാമി നായ്ക്കര്‍ എന്ന പെരിയാര്‍ ഇ.വി. രാമസ്വാമി നായ്കര്‍.
(1879 സെപ്റ്റംബര്‍ 17-1973 ഡിസംബര്‍ 24)
ഗോവയിലെ പ്രസിദ്ധ എഴുത്തുകാരനും, പത്ര പ്രവര്‍ത്തകനും സ്വാതന്ത്യ സമര സേനാനിയുമായ ലാംബ്രറ്റ് മസ്‌ക്രിനാസ്.
(സെപ്റ്റംബര്‍ 17, 1914-ജൂണ്‍ 27, 2021)
സിനിമാ പരസ്യങ്ങള്‍ വരച്ച് തന്റെ ജീവിതം ആരംഭിക്കുകയും പില്‍ക്കാലത്ത് ലോകം മുഴുവന്‍ അറിയുന്ന ഇന്ത്യയിലെ ഏറ്റവും പ്രതിഫലം ലഭിക്കുന്ന ചിത്രകാരനായി മാറുകയും ചെയ്ത പ്രശസ്തനായ ആധുനികചിത്രകാരനായിരുന്ന മഖ്ബൂല്‍ ഫിദാ ഹുസൈന്‍.
(സെപ്റ്റംബര്‍ 17, 1915-ജൂണ്‍ 9, 2011)
വിദ്യാഭ്യാസ വിദഗ്ദ്ധനും, അമര്‍ ചിത്രകഥ എന്നറിയപ്പെടുന്ന പുരാണ കഥാപാത്രങ്ങളെ ആസ്പദമാക്കിയുള്ള ചിത്രകഥകളുടെ സ്രഷ്ടാവുമായിരുന്ന അനന്ത് പൈ
(17 സെപ്റ്റംബര്‍ 1929-24 ഫെബ്രുവരി 2011),
അന്തര്‍ദ്ദേശീയതലത്തില്‍ കര്‍ണാടക സംഗീതരീതി പ്രകാരമുള്ള വയലിന്‍ വായനശൈലി അവതരിപ്പിച്ച പ്രശസ്തവാഗ്ഗേയകാരനും വയലിനിസ്റ്റും ആയിരുന്ന ലാല്‍ഗുഡി ജയരാമന്‍.
(സെപ്റ്റംബര്‍ 17, 1930-ഏപ്രില്‍ 22, 2013)
സിലോണിന്റെ അവസാനത്തെ ഗവര്‍ണര്‍ ജനറലും 1972-ല്‍ ശ്രീലങ്ക, റിപ്പബ്ലിക് ആയതിനു ശേഷം രാജ്യത്തിന്റെ ആദ്യത്തെ (നോണ്‍ എക്‌സിക്യുട്ടീവ്) പ്രസിഡണ്ടുമായിരുന്ന വില്യം ഗോപാല.
(സെപ്റ്റംബര്‍ 17 1897-ജനുവരി 31, 1981)
ഫ്രഞ്ച് സാഹിത്യകാരനും ചലച്ചിത്ര തിരക്കഥാകൃത്തും സംവിധായകനുമായ ഴാങ് ക്ലോദ് കാരി.
(17 സെപ്റ്റംബര്‍1931-8 ഫെബ്രുവരി 2021)
ചരിത്രത്തില്‍ ഇന്ന്
1862-യു.എസ്. ആഭ്യന്തര യുദ്ധത്തില്‍ ഏറ്റവും രക്തരൂക്ഷിതമായ ദിവസം. നാലായിരത്തിലേറെ സൈനികര്‍ കൊല്ലപ്പെട്ടു.
1894-ബാറ്റില്‍ ഒപ് യെല്ലോ റിവര്‍ പോംഗ് യോങ്ങ് യുദ്ധത്തില്‍ ജപ്പാന്‍ ചൈനയെ തോല്‍പ്പിച്ചു.
1914-ആന്‍ഡ്രൂ ഫിഷര്‍ മൂന്നാമതും ഓസ്ട്രേലിയന് പ്രധാനമന്ത്രിയായി.
1939-10000 മീറ്റര്‍ ഓട്ടം 30 മിനിട്ടുകള്‍ക്കുള്ളില്‍ അവസാനിപ്പിച്ച് (29 ങ & 52 ടലര) ലോക റെക്കാര്‍ഡ് സൃഷ്ടിച്ചു.
1947-ഹൈദരാബാദിനെ ഇന്ത്യന്‍ യൂണിയനില്‍ ചേര്‍ത്തു.
1948-നൈസാം കീഴടങ്ങുകയും ഹൈദ്രാബാദിന്റെ ഭരണം ഭാരത സര്‍ക്കാറിനു വിട്ടു കൊടുക്കുകയും ചെയ്തു.
1949-തമിഴ് നാട്ടില്‍ ദ്രാവിഡ കഴകം പിളര്‍ന്ന് ദ്രാവിഡ മുന്നേറ്റ കഴകം നിലവില്‍ വന്നു.
1953-സയാമിസ് ഇരട്ടകളെ ആദ്യമായി ശസ്ത്രക്രിയ വഴി വേര്‍തിരിച്ചു.
1956-ഭാരത സര്‍ക്കാര്‍ എണ്ണ പരീക്ഷണം ലക്ഷ്യമാക്കി ഒ.എന്‍.ജി.സി രൂപീകരിച്ചു.
1978-ഇസ്രായേല്‍ ഈജിപ്ത് സമാധാനക്കരാറായ ‘ക്യാമ്പ് ഡേവിഡ്’ സന്ധി ഒപ്പിട്ടു.
1982-ശ്രിലങ്ക അന്താരാഷ്ട്ര ടെസ്റ്റ് ക്രിക്കറ്റില്‍ അരങ്ങേറി. ആദ്യ മത്സരം ഇന്ത്യക്കെതിരെ.
1983-വാനിസ വില്യംസ് ആദ്യത്തെ കറുത്ത മിസ് അമേരിക്ക.
1996-കേരളത്തില്‍ ടെലഫോണ്‍ മൊബൈല്‍ സേവനം ആരംഭിച്ചു..
2006-അലാസ്‌കയിലെ ‘നാലു ശിഖര പര്‍വതം’ എന്നറിയപ്പെടുന്ന അഗ്‌നിപര്‍വതം10,000 വര്‍ഷത്തിനു ശേഷം പുകഞ്ഞു തുടങ്ങി.
2016 – ന്യൂജേഴ്സിയിലെ കടല്‍ത്തീര പാര്‍ക്ക്, മാന്‍ഹട്ടന്‍ എന്നിവിടങ്ങളില്‍ രണ്ട് ബോംബുകള്‍ പൊട്ടിത്തെറിച്ചു. മാന്‍ഹട്ടന്‍ ബോംബാക്രമണത്തില്‍ മുപ്പത്തിയൊന്ന് പേര്‍ക്ക് പരിക്കേറ്റു.
2017 – ജവഹര്‍ലാല്‍ നെഹ്‌റു തറക്കല്ലിട്ട ഇന്ത്യയിലെ ഏറ്റവും ഉയരമേറിയ അണക്കെട്ടും ലോകത്തിലെ രണ്ടാമത്തെ വലിയ അണക്കെട്ടുമായ ഗുജറാത്തിലെ സര്‍ദാര്‍ സരോവര്‍ അണക്കെട്ട് പ്രധാനമന്ത്രി നരേന്ദ്ര മോദി തന്റെ ജന്മദിനത്തില്‍ രാഷ്ട്രത്തിന് സമര്‍പ്പിച്ചു.
2020-നിയമസഭാംഗം എന്ന നിലയില്‍ മുന്‍ മുഖ്യമന്ത്രി ഉമ്മന്‍ ചാണ്ടി 50 വര്‍ഷം തികച്ചു. ഉമ്മന്‍ ചാണ്ടി നിയമസഭയില്‍ ആദ്യമായി പുതുപ്പള്ളിയുടെ പ്രതിനിധിയായത് 1970-ലാണ്.