ഡൽഹി: അൻവർ അലിയുടെ സസ്പെൻഷൻ പിൻവലിച്ച് ഇന്ത്യൻ ഫുട്ബോൾ ഫെഡറേഷൻ. ഐഎസ്എൽ പതിനൊന്നാം സീസണിന് ആദ്യ മത്സരത്തിനിറങ്ങാനിരിക്കെയാണ് താരത്തിനും ഈസ്റ്റ് ബംഗാളിനും ആശ്വാസം നൽകുന്ന ഈ നടപടി എഐഎഫിന്റെ ഭാഗത്തുനിന്നുണ്ടായത്.
മോഹൻ ബഗാൻ ഫുട്ബോൾ ക്ലബ്ബുമായുള്ള കരാർ തെറ്റിച്ച് ഈസ്റ്റ് ബംഗാളിലേക്ക് മാറിയതിനാണ് ഇന്ത്യൻ ഫുട്ബോൾ താരമായ അൻവർ അലിയെ എഐഎഫ്എഫ് സസ്‌പെൻഡ് ചെയ്തത്. ഈ വിലക്കാണ് ഇപ്പോൾ പിൻവലിച്ചിരിക്കുന്നത്.
ഫെഡറേഷന് കീഴിലെ പ്ലയേഴ്സ് സ്റ്റാറ്റസ് കമ്മിറ്റി ഏർപ്പെടുത്തിയ വിലക്കിനും പിഴക്കുമെതിരെ അൻവർ അലിയും നിലവിലെ ക്ലബ് ഈസ്റ്റ് ബംഗാളും മാതൃക്ലബ് ഡൽഹിയും ചേർന്ന് ഹർജി നൽകിയിരുന്നു.
ഇത് പരിഗണിക്കുമ്പോഴാണ് വിലക്ക് പിൻവലിക്കുന്നുവെന്ന് അഖിലേന്ത്യാ ഫുട്ബോൾ ഫെഡറേഷൻ കോടതിയില്‍ അറിയിച്ചത്.
ഈസ്റ്റ് ബംഗാളിന് ആശ്വാസം; അൻവർ അലിയുടെ സസ്പെൻഷൻ ഇന്ത്യൻ ഫുട്ബോൾ ഫെഡറേഷൻ പിൻവലിച്ചു
Byadmin
Sep 14, 2024