കൊച്ചി: നിയമസഭ കയ്യാങ്കളിയില്‍ കോണ്‍ഗ്രസ് എം.എല്‍.എമാര്‍ക്കെതിരായ കേസ് ഹൈക്കോടതി റദ്ദാക്കി. മുന്‍മന്ത്രി ഡൊമിനിക് പ്രസന്റേഷന്‍, കെ. ശിവദാസന്‍ നായര്‍, എം.എ. വാഹിദ് എന്നിവര്‍ക്കെതിരെയുള്ള കേസാണ് റദ്ദാക്കിയത്.
ഇടതു എം.എല്‍.എമാരായിരുന്ന കെ.കെ. ലതിക, ജമീല പ്രകാശം എന്നിവരുടെ പരാതിയിലാണ് ഇവര്‍ക്കെതിരേ കേസെടുത്തിരുന്നത്. കേസ് റദ്ദാക്കണമെന്ന് ആവശ്യപ്പെട്ട് കോണ്‍ഗ്രസ് എം.എല്‍.എമാര്‍ ഹൈക്കോടതിയെ സമീപിക്കുകയായിരുന്നു
ധനമന്ത്രിയായിരുന്ന കെ.എം. മാണിയുടെ ബജറ്റ് പ്രസംഗം തടസപ്പെടുത്താനുള്ള ഇടതുപക്ഷ എം.എല്‍.എമാരുടെ പ്രതിഷേധത്തിനിടെ, കോണ്‍ഗ്രസ് എം.എല്‍.എമാര്‍ കെ.കെ. ലതികയെയും ജമീല പ്രകാശത്തെയും കയ്യേറ്റം ചെയ്‌തെന്നാണ് കേസ്. ക്രൈംബ്രാഞ്ചാണ് കേസ് അന്വേഷിച്ചിരുന്നത്.
