യെച്ചൂരി കോണ്‍ഗ്രസ് ദേശീയ നേതൃത്വവുമായി ഊഷ്മള ബന്ധം കാത്ത് സൂക്ഷിച്ച നേതാവ്, ഇന്ത്യാ മുന്നണിയുടെ രൂപീകരണത്തിലും യെച്ചൂരിയുടെ കൈയൊപ്പുണ്ട്: വി.ഡി. സതീശന്‍

തിരുവനന്തപുരം: സി.പി.എം. ജനറല്‍ സെക്രട്ടറി സീതാറാം യെച്ചൂരിയുടെ നിര്യാണത്തില്‍ അനുശോചിച്ച് പ്രതിപക്ഷ നേതാവ് വി.ഡി. സതീശന്‍. 
സൈദ്ധാന്തിക കടുംപിടുത്തങ്ങള്‍ക്ക് അപ്പുറം രാഷ്ട്രീയത്തിലെ പ്രായോഗികതയ്ക്ക് മുന്‍തൂക്കം നല്‍കിയ നേതാവായിരുന്നു സീതാറാം യെച്ചൂരി. കോണ്‍ഗ്രസ് ദേശീയ നേതൃത്വവുമായി ഊഷ്മള ബന്ധം കാത്ത് സൂക്ഷിച്ച നേതാവാണ് യെച്ചൂരി. ഇന്ത്യാ മുന്നണിയുടെ രൂപീകരണത്തിലും യെച്ചൂരിയുടെ കൈയൊപ്പുണ്ട്. അദ്ദേഹത്തിന്റെ നിര്യാണത്തില്‍ ബന്ധുക്കളുടെയും സുഹൃത്തുക്കളുടെയും ദുഃഖത്തില്‍ പങ്ക് ചേരുന്നു.
ന്യൂനപക്ഷ അവകാശങ്ങള്‍ ഹനിക്കപ്പെടാതെയും ഇന്ത്യ എന്ന ആശയത്തെ നിലനിര്‍ത്തിയും മാത്രമേ രാജ്യത്തിന് മുന്നോട്ട് പോകാനാകൂവെന്ന് യെച്ചൂരി അടിയുറച്ച് വിശ്വസിച്ചു. അതില്‍ കോണ്‍ഗ്രസിന്റെ നേതൃപരമായ പങ്കിനെക്കുറിച്ച് അദേഹത്തിന് തികഞ്ഞ ബോധ്യമുണ്ടായിരുന്നു..” – വി.ഡി. സതീശന്‍ അനുസ്മരിച്ചു.