കൊച്ചി: പീഡന പരാതിയില്‍ സംവിധായകന്‍ രഞ്ജിത്തിനെ പ്രത്യേക അന്വേഷണസംഘം ചോദ്യം ചെയ്തു. പ്രത്യേക അന്വേഷണസംഘത്തിന്റെ കൊച്ചിയിലെ ഓഫീസിലേക്ക് രഞ്ജിത്തിനെ വിളിച്ചുവരുത്തിയാണ് ചോദ്യം ചെയ്തത്.
ബംഗാളി നടിയുടെ പരാതിയിലും കോഴിക്കോട്ടെ യുവാവിന്റെ പരാതിയിലും രണ്ട് കേസുകളാണ് എടുത്തിരിക്കുന്നത്. ഈ രണ്ട് കേസുകളിലും രഞ്ജിത്തിന് മുന്‍കൂര്‍ ജാമ്യം ലഭിച്ചിരുന്നു.
പാലേരി മാണിക്യം സിനിമയില്‍ അഭിനയിക്കാന്‍ എത്തിയപ്പോള്‍ സംവിധായകന്‍ രഞ്ജിത്ത് മോശമായി പെരുമാറിയെന്നാണ് ബംഗാളി നടിയുടെ പരാതി.
സിനിമയില്‍ അവസരം ചോദിച്ചെത്തിയ തന്നോട് ബംഗളുരുവില്‍ വച്ച് സംവിധായകന്‍ രഞ്ജിത്ത് അപമര്യാദയായി പെരുമാറിയെന്നാണ് കോഴിക്കോട് സ്വദേശിയായ യുവാവിന്റെ പരാതി.
