കൊച്ചി: സൈബര്‍ തട്ടിപ്പില്‍ കുടുങ്ങി സംഗീത സംവിധായകന്‍ ജെറി അമല്‍ ദേവും. സിബിഐ രജിസ്റ്റര്‍ ചെയ്ത കേസില്‍ പ്രതിയാക്കി അറസ്റ്റ് ചെയ്യുമെന്ന് ഭീഷണിപ്പെടുത്തി ഒന്നരലക്ഷം രൂപയോളമാണ് സംവിധായകനില്‍ നിന്ന് തട്ടിയെടുക്കാന്‍ ശ്രമിച്ചത്.
ബാങ്കിലെത്തി പണം പിന്‍വലിക്കാന്‍ ശ്രമിച്ച ജെറിക്ക് പണം നഷ്ടമാകാതിരുന്നത് തലനാരിഴ്ക്കാണ്. സംഭവത്തില്‍ എറണാകുളം നോര്‍ത്ത് പൊലീസില്‍ ജെറി പരാതി നല്‍കി.
1,70000 രൂപ അക്കൗണ്ടിലേക്ക് അയക്കാനാണ് സിബിഐ ഉദ്യോഗസ്ഥരെന്ന വ്യാജേന തട്ടിപ്പ് സംഘം ജെറിയോട് ആവശ്യപ്പെട്ടത്. സിബിഐ സംഘമാണെന്ന് വിശ്വസിപ്പിച്ച് ബോംബെയിലെ ധാരാവിയില്‍ നിന്നാണ് വിളിക്കുന്നതെന്നാണ് തട്ടിപ്പ് സംഘം പറഞ്ഞതെന്ന് ജെറി പറഞ്ഞു.
ഭീഷണിപ്പെടുത്തുന്ന രീതിയിലായിരുന്നു സംസാരം. പണം പിന്‍വലിക്കാനായി ബാങ്കില്‍ എത്തിയപ്പോഴാണ് തട്ടിപ്പ് മനസിലായത്. ഇതോടെ പണം നല്‍കിയില്ലെന്നും ജെറി പറഞ്ഞു.
ഇത്തരം കോളുകള്‍ വന്നാല്‍ ഒരുതരത്തിലും തട്ടിപ്പിന് നിന്നുകൊടുക്കരുതെന്ന് പൊലീസ് മുന്നറിയിപ്പ് നല്‍കി. ഉത്തരേന്ത്യ കേന്ദ്രീകരിച്ച് ഇത്തരം സംഘങ്ങള്‍ സജീവമാണെന്നും പൊലീസ് പറയുന്നു.
സൈബര്‍ തട്ടിപ്പില്‍ കുടുങ്ങി സംഗീത സംവിധായകന്‍ ജെറി അമല്‍ ദേവും; സിബിഐ രജിസ്റ്റര്‍ ചെയ്ത ഒരു കേസില്‍ പ്രതിയാക്കി അറസ്റ്റ് ചെയ്യുമെന്ന് ഭീഷണിപ്പെടുത്തി പണം തട്ടാന്‍ ശ്രമം, ജെറിക്ക് പണം നഷ്ടമാകാതിരുന്നത് തലനാരിഴ്ക്ക്
Byadmin
Sep 10, 2024