കോഴിക്കോട്: നാദാപുരത്ത് കാറില്‍ കടത്തിയ എം.ഡി.എം.എയുമായി രണ്ടുപേര്‍ പിടിയില്‍. വയനാട് സ്വദേശിയായ മുഹമ്മദ് ഇജാസ്, വയനാട് കമ്പളക്കാട് സ്വദേശിനി അഖില (26) എന്നിവരാണ് പിടിയിലായത്.
32 ഗ്രാം എം.ഡി.എം.എ. ഇവരില്‍നിന്ന് പിടിച്ചെടുത്തു. ഇവര്‍ സഞ്ചരിച്ച കാറും പോലീസ് കസ്റ്റഡിയില്‍ എടുത്തു. പോലീസ് സ്റ്റേഷനില്‍ എത്തിച്ച മുഹമ്മദ് ഇജാസ് ഓടി രക്ഷപ്പെട്ടെങ്കിലും പോലീസ് ഇയാളെ കീഴ്‌പ്പെടുത്തുകയായിരുന്നു.
ഇന്നലെ രാത്രി പേരോട് വാഹന പരിശോധനയ്ക്കിടെയാണ് പ്രതികള്‍ പിടിയിലായത്. പേരോട് വാഹനങ്ങള്‍ക്ക് സൈഡ് കൊടുക്കാതെ പ്രശ്‌നമുണ്ടാക്കിയതിനെത്തുടര്‍ന്ന് പോലീസ് നടത്തിയ പരിശോധനയില്‍ ഇവരുടെ കാറില്‍ നിന്നും എം.ഡി.എം.എയും ചെറിയ ത്രാസും കണ്ടെടുക്കുകയായിരുന്നു. പ്രതികളെ ഇന്ന് കോടതിയില്‍ ഹാജരാക്കും.
വാഹനങ്ങള്‍ക്ക് സൈഡ് കൊടുക്കാതെ ബഹളം, പോലീസ് പരിശോധനയില്‍ കണ്ടെത്തിയത് ലഹരിമരുന്ന്; യുവതിയും യുവാവും പിടിയില്‍
Byadmin
Sep 10, 2024