റോഡ് മുറിച്ചുകടക്കവേ കാർ ഇടിച്ചു പരിക്കേറ്റ വയോധിക മരിച്ചു. അപകടം കുമരകം കമ്മ്യൂണിറ്റി ഹെൽത്ത് സെൻ്ററിൽ ചികിത്സ തേടി മടങ്ങി വരും വഴി

കുമരകം :  റോഡ് മുറിച്ചു കടക്കവേ കാർ ഇടിച്ചു പരിക്കേറ്റ വയോധിക മരിച്ചു. കുമരകം ചക്രം പടി തൈക്കൂട്ടത്തിൽ പരേതനായ തങ്കപ്പന്റെ ഭാര്യ  അമ്മിണി തങ്കപ്പൻ (74) ആണ് മരിച്ചത്. പനി ബാധിച്ചതിനെ തുടർന്ന് കുമരകം കമ്മ്യൂണിറ്റി ഹെൽത്ത് സെൻ്ററിൽ ചികിത്സ തേടി മടങ്ങി വരും വഴിയാണ്  അമ്മിണിക്ക് അപകടം സംഭവിക്കുന്നത്.
 ബസ് ഇറങ്ങി റോഡ് മുറിച്ചുകടക്കവേ എതിർ ദിശയിൽ നിന്ന് വന്ന കാർ അമ്മിണിയെ ഇടിച്ചു തെറിപ്പിക്കുകയായിരുന്നു. കോട്ടയം മെഡിക്കൽ കോളജിൽ എത്തിച്ച അമ്മിണിയെ വെന്റിലേറ്ററിൽ പ്രവേശിപ്പിച്ചെങ്കിലും രാത്രി 10.15 ന് മരണം സംഭവിച്ചു.
ബുധനാഴ്ച പോസ്റ്റുമോർട്ടത്തെ തുടർന്ന് മൃതദേഹം ബന്ധുക്കൾക്ക് വിട്ടു നൽകും. പരേത കാഞ്ഞിരത്തിൽ കണിയാംപത്തിൽ കുടുബാംഗമാണ്. 
മക്കൾ : സിന്ധു, ശിശുപാലൻ (തങ്കച്ചൻ), മരുമക്കൾ :  ബാബു ( കാരാപ്പുഴ), മിനി (മീനേടം )സംസ്കാരം ബുധനാഴ്ച  വൈകിട്ട് മൂന്നിന്  വീട്ടുവളപ്പിൽ.