ഭീകരത ലോകത്തിന്‍റെ വികസനത്തിന് ഭീഷണി; ഭീകരതയ്‌ക്കെതിരെ സമഗ്രമായ സമീപനമല്ലാതെ ഒരു ആഗോള പ്രതിരോധ സംവിധാനവും മതിയാകില്ല; ഐക്യരാഷ്‌ട്ര സഭയിൽ അന്താരാഷ്‌ട്ര ഭീകരതയ്‌ക്കെതിരെ സമഗ്രമായ കൺവെൻഷന്‍റെ അടിയന്തര ആവശ്യം ആവർത്തിച്ച് ഇന്ത്യ

ന്യൂയോർക്ക്: സമാധാനത്തിനും സുരക്ഷയ്ക്കും മാത്രമല്ല വികസനത്തിനും ഭീകരത ആഗോള ഭീഷണിയാണെന്ന് ഇന്ത്യ ഐക്യരാഷ്‌ട്ര സഭയിൽ.
ഭീകരതയ്‌ക്കെതിരെ സമഗ്രമായ സമീപനമല്ലാതെ ഒരു ആഗോള പ്രതിരോധ സംവിധാനവും മതിയാകില്ല. അന്താരാഷ്‌ട്ര ഭീകരതയ്‌ക്കെതിരെ സമഗ്രമായ കൺവെൻഷന്‍റെ അടിയന്തര ആവശ്യം ആവർത്തിച്ച് ഇന്ത്യ.
ന്യൂയോർക്കിലെ ഐക്യരാഷ്‌ട്ര സഭയിലെ ചാർജ് ഡി അഫയേഴ്‌സും ഇന്ത്യയുടെ ഡെപ്യൂട്ടി സ്ഥിരം പ്രതിനിധിയുമായ ആർ രവീന്ദ്രയാണ് ഈ ആവശ്യം ഉന്നയിച്ചത്.
രക്ഷാസമിതിയുടെ ‘സമാധാനത്തിനായുള്ള പുതിയ അജണ്ട-സംഘട്ടന പ്രതിരോധത്തിന്‍റെ ആഗോളവും പ്രാദേശികവും ദേശീയവുമായ വശങ്ങൾ’ അഭിസംബോധന’ എന്ന സംവാദത്തിൽ സംസാരിക്കുകയായിരുന്നു അദ്ദേഹം.
സുരക്ഷ കൗൺസിലിന്‍റെ അധ്യക്ഷ സ്ഥാനത്തേക്ക് തെരഞ്ഞെടുക്കപ്പെട്ട സിയറ ലിയോണിനെ ഇന്ത്യൻ പ്രതിനിധി അഭിനന്ദിക്കുകയും ഈ തുറന്ന സംവാദം സംഘടിപ്പിച്ചതിന് നന്ദി അറിയിക്കുകയും ചെയ്‌തു.
ചില പ്രദേശങ്ങൾ സമാധാനം, സുരക്ഷ, സമൃദ്ധി എന്നിവയുടെ സുസ്ഥിരമായ തലങ്ങൾ ആസ്വദിക്കുന്നു. മറ്റുള്ളവ സമീപകാലങ്ങളിൽ സംഘർഷത്തിന്‍റെയും അക്രമത്തിന്‍റെയും അനന്തമായ ചക്രങ്ങളിലേക്ക് വീഴുന്നു- പ്രത്യേകിച്ചും ആഫ്രിക്കയിലെയും പശ്ചിമേഷ്യയിലെയും ചില ഭാഗങ്ങളിൽ.
തീവ്രവാദികൾ, സായുധ പോരാളികൾ, സംഘടിത കുറ്റവാളി സംഘങ്ങൾ, വളർന്നുവരുന്ന സാങ്കേതിക വിദ്യകളുടെ ദുരുപയോഗവും സംഘട്ടനത്തിന്‍റെ ചലനാത്മകതയിൽ ആഴത്തിലുള്ള സ്വാധീനം ചെലുത്തുന്നുവെന്നും രവീന്ദ്ര പറഞ്ഞു.
രാഷ്‌ട്രീയ പ്രക്രിയയിൽ മാത്രമല്ല. സുസ്ഥിര വികസനത്തിലും എല്ലാവരെയും ഉൾക്കൊള്ളുന്ന സാമ്പത്തിക വളർച്ചയിലും ശ്രദ്ധ കേന്ദ്രീകരിക്കുന്ന ഒരു സമഗ്ര സമീപനം അനിവാര്യമാണ്. പ്രമേയം, അനുരഞ്ജനം, വീണ്ടെടുക്കൽ, പുനർനിർമ്മാണം എന്നിവയും പ്രതിരോധ തന്ത്രങ്ങളുടെ നിർണായക വശങ്ങളാണെന്നും അദ്ദേഹം പറഞ്ഞു.