പാലക്കാട്: ബസ് ദേഹത്ത് കയറിയിറങ്ങി സ്‌കൂട്ടര്‍ യാത്രക്കാരി മരിച്ചു. കടുന്തുരുത്തി സ്വദേശി തോട്ടത്തില്‍ വീട്ടില്‍ സംഗീത(35)യാണ് മരിച്ചത്. സംഗീത സഞ്ചരിച്ചിരുന്ന സ്‌കൂട്ടറില്‍ ബസ് ഇടിക്കുകയായിരുന്നു.
ഇന്നുരാവിലെ എട്ടരയ്ക്ക് യാക്കര ജങ്ഷനിലായിരുന്നു അപകടം. സ്‌റ്റോപ്പില്‍ നിര്‍ത്തിയിരുന്ന സ്വകാര്യബസിനെ സ്‌കൂട്ടര്‍ മറികടക്കവെ പെട്ടെന്ന് ബസ് മുന്നോട്ടെടുക്കുകയും സ്‌കൂട്ടറില്‍ തട്ടുകയുമായിരുന്നു. ഇതിന്റെ ആഘാതത്തില്‍ സ്‌കൂട്ടര്‍ മറിയുകയും സംഗീത ബസിനടിയിലേക്ക് വീഴുകയും ബസിന്റെ പിന്‍ചക്രം സംഗീതയുടെ ശരീരത്തിലൂടെ കയറിയിറങ്ങുകയായിരുന്നു.
കോട്ടമൈതാനിക്കടുത്തുള്ള ബേക്കറിയിലെ ജീവനക്കാരിയായ സംഗീത രാവിലെ ജോലിക്കായി വീട്ടില്‍ നിന്ന് പോകുമ്പോഴായിരുന്നു അപകടം. ലോഡിംഗ് തൊഴിലാളിയായ രാമചന്ദ്രനാണ് ഭര്‍ത്താവ്. മക്കള്‍: സരീഷ്മ, സരീഷ്. മൃതദേഹം ജില്ലാ ആശുപത്രി മോര്‍ച്ചറിയില്‍.
സ്വകാര്യബസിനെ മറികടക്കവെ സ്‌കൂട്ടര്‍ മറിഞ്ഞുവീണ് അപകടം; പാലക്കാട് ബസ് ദേഹത്ത് കയറിയിറങ്ങി വീട്ടമ്മയ്ക്ക് ദാരുണാന്ത്യം
Byadmin
Aug 21, 2024