മദ്യലഹരിയിലായിരുന്ന രോഗിയും ബന്ധുക്കളും ചേര്‍ന്ന് വനിതാ ഡോക്ടറെ മര്‍ദ്ദിച്ചു: സംഭവം മുംബൈയില്‍

മുംബൈ: മുംബൈയിലും വനിതാ ഡോക്ടർക്കെതിരെ അതിക്രമം. മദ്യലഹരിയിലായിരുന്ന രോഗിയും ബന്ധുക്കളും ചേർന്ന് വനിതാ ഡോക്ടറെ മർദ്ദിച്ചതായി മറ്റ് ഡോക്ടർമാർ പറഞ്ഞു.
മുംബൈയിലെ സിയോൺ ആശുപത്രിയിൽ ഞായറാഴ്ച പുലർച്ചെയോടെയാണ് സംഭവമുണ്ടായത്. പുലർച്ചെ 3.30-ഓടെ ഡ്യൂട്ടിയിലായിരിക്കെയാണ് ആക്രമണം ഉണ്ടായത്.
രോ​ഗിക്കൊപ്പം മദ്യപിച്ചെത്തിയ ആറം​ഗ സംഘമാണ് ഡോക്ടറെ ഭീഷണിപ്പെടുത്തുകയും ശാരീരികമായി ഉപദ്രവിക്കാനും ശ്രമിച്ചത്. ശേഷം രോ​ഗിയും അക്രമിസംഘവും ആശുപത്രിയിൽനിന്ന് ഓടിരക്ഷപ്പെട്ടു.
സംഭവത്തിൽ പൊലീസ് കേസെടുത്തു. ഈ സംഭവം സുരക്ഷാ വീഴ്ചയെയാണ് എടുത്തു കാണിക്കുന്നതെന്നതെന്ന് സിയോൺ ഹോസ്പിറ്റലിലെ റസിഡൻ്റ് ഡോക്ടർമാരുടെ സംഘടന ആരോപിച്ചു.