കൊച്ചി: ഇന്ത്യയിലെ ആദ്യ ഇക്വിറ്റി അധിഷ്ഠിത പദ്ധതിയായ യുടിഐ ലാര്‍ജ് ക്യാപ് ഫണ്ട് കൈകാര്യം ചെയ്യുന്ന ആകെ ആസ്തികള്‍ 13,100 കോടി രൂപയിലെത്തിയതായി 2024 ജൂണ്‍ 30-ലെ കണക്കുകള്‍ സൂചിപ്പിക്കുന്നു.
ലാര്‍ജ് ക്യാപ് ഓഹരികളില്‍ മുഖ്യമായി നിക്ഷേപിച്ച് നേട്ടമുണ്ടാക്കുന്ന രീതിയാണ് 1986 ഒക്ടോബറില്‍ ആരംഭിച്ച ഈ പദ്ധതി പിന്തുടരുന്നത്. ആകെ 15.80 ശതമാനം സംയോജിത നേട്ടമാണ് പദ്ധതി കൈവരിച്ചിട്ടുള്ളത്.പദ്ധതി ആരംഭിച്ചപ്പോള്‍ നിക്ഷേപിച്ച 10 ലക്ഷം രൂപ ഇപ്പോള്‍ 25.35 കോടി രൂപയായി വര്‍ധിച്ചിട്ടുണ്ടെന്നും ജൂണ്‍ 30-ലെ കണക്കുകള്‍ സൂചിപ്പിക്കുന്നു.
