കോഴിക്കോട്: ഫ്‌ളാറ്റ് കേന്ദ്രീകരിച്ച് ലഹരിക്കച്ചവടം നടത്തിയ യുവാക്കള്‍ പിടിയില്‍. മലപ്പുറം സ്വദേശി പുളിക്കല്‍ പാലിച്ചി ചാലില്‍ പറമ്പ് നൗഫല്‍ (31), ഫാറൂഖ് കോളേജ് സ്വദേശി കോടമ്പുഴ മടത്തില്‍ ഹൗസില്‍ അബ്ദുള്‍ നൗഷാദ് (28) എന്നിവരാണ് പിടിയിലായത്. ഇവരില്‍നിന്ന് 196.63 ഗ്രാം എം.ഡി.എം.എ. പിടികൂടി.
പിടികൂടിയ മയക്കുമരുന്നിന് വിപണിയില്‍ പത്ത് ലക്ഷം രൂപ വില വരും. ബംഗളുരുവില്‍ നിന്നു എം.ഡി.എം.എ. കൊണ്ടുവന്ന് കോഴിക്കോട് സിറ്റിയിലെ ബീച്ച്, മാളുകളുടെ പരിസരം, എന്നിവ കേന്ദ്രീകരിച്ച് യുവാക്കള്‍ക്കും യുവതികള്‍ക്കും കോളജ് വിദ്യാര്‍ഥികള്‍ക്കും ലഹരി നല്‍കുന്ന സംഘത്തിലെ മുഖ്യ കണ്ണികളാണ് ഇവര്‍. നൗഫലിന് മുമ്പ് 400 ഗ്രാം എം.ഡി.എം.എ. പിടികൂടിയതിന് പന്തീരാങ്കാവ് സ്റ്റേഷനിലും കഞ്ചാവ് പിടികൂടിയതിന് കോഴിക്കോട് എക്‌സൈസിലും കേസുണ്ട്.
കോഴിക്കോട് സിറ്റി പോലീസ് ഡെപ്യൂട്ടി കമ്മിഷണര്‍ അനൂജ് പലിവാളിന് രഹസ്യ വിവരം കിട്ടിയതിനെത്തുടര്‍ന്ന് കോഴിക്കോട് നാര്‍ക്കോട്ടിക്ക് സെല്‍ അസി. കമ്മിഷണര്‍. വി. സുരേഷിന്റെ നേതൃത്വത്തിലുള്ള ഡാന്‍സാഫ് ടീമും ഫറോക്ക് എസ്.ഐ.ആര്‍.എസ്. വിനയന്റെ നേതൃത്വത്തില്‍ പന്തിരാങ്കാവ് പോലീസും ചേര്‍ന്ന് നടത്തിയ പരിശോധയിലാണ് പാലാഴി കണ്ണന്‍ ചിറ പാലം ഭാഗത്തെ ഫ്‌ളാറ്റില്‍ നിന്ന് പ്രതികളെ പിടികൂടിയത്.
ഡന്‍സാഫ് എസ്.ഐ മനോജ് എടയേടത്ത്, എ.എസ്.ഐ അബ്ദുറഹ്മാന്‍ കെ, അനീഷ് മൂസേന്‍വീട്, സുനോജ് കാരയില്‍, സരുണ്‍ കുമാര്‍ പി.കെ, ശ്രീശാന്ത് എന്‍.കെ, ലതീഷ് എം.കെ, അഭിജിത്ത് പി, അതുല്‍ ഇ.വി, ദിനീഷ് പി.കെ, പന്തീരങ്കാവ് സ്റ്റേഷനിലെ എസ്.ഐമാരായ വിനോദ് കുമാര്‍, മഹേഷ് കെ.പി, സി.പി.ഒമാരായ സുഭീഷ്, രന്‍ജീഷ്, നിഖില്‍ എന്നിവരാണ് അന്വേഷണ സംഘത്തിലുണ്ടായിരുന്നത്.
കോഴിക്കോട് ഫ്‌ളാറ്റ് കേന്ദ്രീകരിച്ച് ലഹരിക്കച്ചവടം; പത്ത് ലക്ഷം രൂപയുടെ മയക്കുമരുന്നുമായി രണ്ടുപേര്‍ പിടിയില്‍
Byadmin
Jul 13, 2024