തിരുവനന്തപുരം: വെൺപാലവട്ടത്ത് സ്കൂട്ടർ മേൽപ്പാലത്തിൽനിന്ന് സർവ്വീസ് റോഡിലേക്ക് വീണ് യുവതി മരിച്ച സംഭവത്തില്‍ സ്‌കൂട്ടര്‍ ഓടിച്ച സ്ത്രീക്കെതിരെ കേസെടുത്തു. കോവളം വെള്ളാർ സ്വദേശിനി സിമി (35) ആണ് മരിച്ചത്. സിമിയുടെ മകൾ ശിവന്യ (3), സഹോദരി സിനി (32) എന്നിവർക്ക് പരിക്കേറ്റിരുന്നു.
ഇവര്‍ സഞ്ചരിച്ചിരുന്ന സ്‌കൂട്ടര്‍ നിയന്ത്രണം തെറ്റി താഴെ സര്‍വീസ് റോഡിലേക്കു വീഴുകയായിരുന്നു. തിങ്കളാഴ്ച ഉച്ചയ്ക്ക് ഒരു മണിയോടെയായിരുന്നു സംഭവം. സിനിയാണ് സ്‌കൂട്ടര്‍ ഓടിച്ചത്. അശ്രദ്ധമായും അമിതവേഗത്തിലും വാഹനം ഓടിച്ചത് അപകടകാരണമായെന്ന് പൊലീസ് പറയുന്നു.
തിരുവനന്തപുരത്ത്‌ മേൽപാലത്തിൽനിന്ന് തെറിച്ചു വീണ് സ്കൂട്ടർ യാത്രിക മരിച്ച സംഭവം: വാഹനമോടിച്ച സ്ത്രീക്കെതിരെ കേസ്
Byadmin
Jul 2, 2024