മലപ്പുറം: ഭാരതീയ ന്യായ് സംഹിത പ്രകാരം സംസ്ഥാനത്ത് ആദ്യമായി കേസ് രജിസ്റ്റർ ചെയ്തത് മലപ്പുറത്ത്. മലപ്പുറം കൊണ്ടോട്ടി സ്റ്റേഷനിലാണ് ഭാരതീയ ന്യായ് സംഹിത പ്രകാരം എഫ്ഐആർ രജിസ്റ്റർ ചെയ്തത്. അപകടകരമായ രീതിയില്‍ ഇരുചക്രവാഹനം ഓടിച്ച യുവാവിനെതിരെയാണ് കേസ് എടുത്തത്.
ഇന്നു വെളുപ്പിന് 12:20 ന് ആണ് കേസ് രജിസ്റ്റര്‍ ചെയ്തത്. അശ്രദ്ധമായും മനുഷ്യജീവന് അപകടം വരുത്തുന്ന രീതിയിലും ഇരുചക്രവാഹനം ഓടിച്ചതിന് കൊണ്ടോട്ടി പൊലീസ് സ്വമേധയയാണ് കേസ് രജിസ്റ്റർ ചെയ്തത്.
ഭാരതീയ ന്യായസംഹിത 2023 ലെ വകുപ്പ് 281, മോട്ടോർ വെഹിക്കിൾ ആക്ട് 1988 ലെ വകുപ്പ് 194 D എന്നിവ ചുമത്തിയാണ് എഫ്ഐആർ രജിസ്റ്റർ ചെയ്തത്. പുതുതായി നിലവിൽ വന്ന ഭാരതീയ നാഗരിക സുരക്ഷാസംഹിതയിലെ വകുപ്പ് 173 പ്രകാരമാണ് എഫ്ഐ ആർ തയ്യാറാക്കിയത്.
ഭാരതീയ ന്യായ് സംഹിത; സംസ്ഥാനത്തെ ആദ്യത്തെ കേസ് മലപ്പുറത്ത്; അപകടകരമായ രീതിയില്‍ ഇരുചക്രവാഹനം ഓടിച്ച യുവാവിനെതിരെ കേസെടുത്തത് പുലർച്ചെ 12.20ന്
Byadmin
Jul 1, 2024