ടി20 ലോകകപ്പ്; ഇന്ത്യ-കാനഡ മത്സരത്തിന് മഴ ഭീഷണി; പരിശീലനം ഉപേക്ഷിച്ചു; അവസരങ്ങള്‍ കാത്തിരിക്കുന്ന താരങ്ങള്‍ക്ക് തിരിച്ചടി ? റിസര്‍വ് താരങ്ങളില്‍ രണ്ട് പേര്‍ നാട്ടിലേക്ക് മടങ്ങും

ഫ്‌ളോറിഡ: ടി20 ലോകകപ്പില്‍ നാളെ നടക്കാനിരിക്കുന്ന ഇന്ത്യ-കാനഡ മത്സരത്തിന് മഴ ഭീഷണി. മത്സരം നടക്കുന്ന ഫ്‌ളോറിഡയിലെ കാലാവസ്ഥ പ്രതികൂലമാണ്. നാളെയും മഴയ്ക്ക് സാധ്യതയുണ്ട്. മോശം കാലാവസ്ഥയുടെ പശ്ചാത്തലത്തില്‍ ഇന്ന് ടീം പരിശീലനം റദ്ദാക്കിയതായും റിപ്പോര്‍ട്ടുണ്ട്.
അതേസമയം, സൂപ്പര്‍ എട്ടില്‍ ഇതിനകം പ്രവേശിച്ച ഇന്ത്യയ്ക്ക് നാളത്തെ മത്സരം പ്രസക്തമല്ല. മത്സരം നടന്നാല്‍ ചില താരങ്ങള്‍ക്ക് വിശ്രമം നല്‍കി അവസരം കിട്ടാത്തവരെ അന്തിമ ഇലവനില്‍ ഉള്‍പ്പെടുത്താനും സാധ്യതയുണ്ട്. അതുകൊണ്ട് തന്നെ, മത്സരം റദ്ദാക്കിയാല്‍ അവസരം കാത്തിരിക്കുന്ന മലയാളി താരം സഞ്ജു സാംസണ്‍ ഉള്‍പ്പെടെയുള്ളവര്‍ക്ക് അത് തിരിച്ചടിയാകും.
റിസര്‍വ് താരങ്ങളില്‍ ശുഭ്മാന്‍ ഗില്ലും, ആവേശ് ഖാനും നാട്ടിലേക്ക് മടങ്ങുമെന്നാണ് റിപ്പോര്‍ട്ട്. എന്നാല്‍ റിങ്കു സിംഗും, ഖലീല്‍ അഹമ്മദും ടീമിനൊപ്പം തുടരും.