വല്ലോം തരുമോ..! മൂന്നാറിൽ പലചരക്ക് കട കുത്തിത്തുറക്കാൻ ശ്രമിച്ച് കാട്ടാന

ഇടുക്കി: ഇടുക്കി മൂന്നാറിൽ കാട്ടാനയാക്രമണം. ഇന്ന് പുലര്‍ച്ചെ മൂന്ന് മണിയോടെയാണ് ചൊക്കനാട് സൗത്ത് ഡിവിഷനിലാണ് കാട്ടാനക്കൂട്ടമെത്തിയത്. പ്രദേശവാസിയായ പുണ്യവേലിൻ്റെ പലചരക്ക് കടക്ക് നേരെയും ആക്രമണമുണ്ടായി. അഞ്ച് ആനകളാണ് പ്രദേശത്ത് തമ്പടിച്ചിരിക്കുന്നത്. മുമ്പും കടക്ക് നേരെ കാട്ടാനയുടെ ആക്രമണമുണ്ടായിട്ടുണ്ടെന്ന് നാട്ടുകാര്‍ പറയുന്നു.

ചോക്നാട് കാട്ടാനകള്‍ കൂട്ടമായെത്തുന്നത് വര്‍ഷങ്ങളായി സ്ഥിരം കാഴ്ച്ചയാണ്. പ്രദേശത്തെ പലചരക്ക് വ്യാപാരിയായ ചൊക്കനാട് എസ്റ്റേറ്റ് സ്വദേശി പുണ്യവേലിന്‍റെ പലചരക്ക് കടയ്ക്ക് നേരെ പല തവണ കാട്ടാനയുടെ ആക്രമണം ഉണ്ടായിട്ടുണ്ട്. വാതിൽ തകർത്ത കാട്ടാന കടയില്‍ സൂക്ഷിച്ചിരുന്ന സാധനങ്ങള്‍ കഴിക്കുന്നത് പതിവായിരുന്നു. ഇരുപതിലധികം തവണയാണ് കാട്ടാന കട ആക്രമിച്ചതെന്നും പലപ്പോഴും നഷ്ടപരിഹാരം നല്‍കാന്‍ വനംവകുപ്പ് തയ്യാറായിട്ടില്ലെന്നും പുണ്യവേല്‍ പറയുന്നു. 

Also Read: ഇന്തോനേഷ്യയിൽ വീട്ടിൽ നിന്ന് കാണാതായ യുവതിയെ പെരുമ്പാമ്പിന്റെ വയറ്റിൽ നിന്നും കണ്ടെത്തി