തൃശൂര്‍: തൃശൂര്‍ മണ്ഡലത്തില്‍ യു.ഡി.എഫ്. സ്ഥാനാര്‍ത്ഥി കെ. മുരളീധരന്‍ തോറ്റതോടെ തൃശൂര്‍ കോണ്‍ഗ്രസില്‍ പോര്. ഇതേത്തുടര്‍ന്ന് കോണ്‍ഗ്രസ് നേതാവ് ടി.എന്‍. പ്രതാപനും തൃശൂര്‍ ഡി.സി.സി. പ്രസിഡന്റ് ജോസ് വള്ളൂരിനുമെതിരേ ഡി.സി.സി. ഓഫീസ് മതിലില്‍ പോസ്റ്റര്‍ പതിച്ചു.
ജോസ് വള്ളൂര്‍ രാജിവയ്ക്കുക, പ്രതാപന് ഇനി വാര്‍ഡില്‍ പോലും സീറ്റില്ല എന്നിങ്ങനെ എഴുതിയ പോസ്റ്ററുകളാണ് മതിലില്‍ പതിച്ചത്. മുരളീധരന്‍ തോല്‍വിയോടെ തൃശൂര്‍ കോണ്‍ഗ്രസിലുണ്ടായ ഭിന്നതയും തര്‍ക്കവുമാണ് ഇതിലൂടെ പുറത്തുവരുന്നത്. പോസ്റ്റര്‍ നീക്കം ചെയ്‌തെങ്കിലും ഇനിയും പോര് തുടര്‍ന്നേക്കും. സംഭവത്തില്‍ ടി.എന്‍. പ്രതാപനും ജോസ് വള്ളൂരും ഇതുവരെ പ്രതികരിച്ചിട്ടില്ല.
തോല്‍വിയില്‍ കെ. മുരളീധരന്‍ നേതൃത്വത്തിനെതിരേ ആരോപണം ഉന്നയിച്ചിരുന്നു. തനിക്ക് വേണ്ടി പ്രചാരണത്തിന് നേതാക്കള്‍ ആരുമെത്തിയില്ലെന്നും സംഘടനാ തലത്തില്‍ കാര്യമായ പ്രവര്‍ത്തനം നടന്നില്ലെന്നുമായിരുന്നു ആരോപണം.
ജോസ് വള്ളൂര്‍ രാജിവയ്ക്കുക, പ്രതാപന് ഇനി വാര്‍ഡില്‍ പോലും സീറ്റില്ലെന്ന് മതിലില്‍ പോസ്റ്ററുകള്‍; കെ. മുരളീധരന്റെ തോല്‍വിയില്‍ തൃശൂര്‍ കോണ്‍ഗ്രസില്‍ പോര്
Byadmin
Jun 5, 2024