കൊടും ചൂടിനു പിന്നാലെ കോട്ടയത്തെ മുക്കി അതിതീവ്ര മഴയും വ്യാപക കൃഷിനാശവും. വേനൽ മഴ കണ്ട് ഇറക്കിയ കൃഷികൾ വെള്ളപ്പൊക്കത്തിൽ നശിച്ചു.അയർക്കുന്നത്ത് വെള്ളം കയറിയതോടെ കപ്പ വാങ്ങാമോ എന്ന് യാചിച്ച് കർഷകർ.

കോ​ട്ട​യം: കൊടും ചൂടിനു പിന്നാലെ കോട്ടയത്തെ മുക്കി അതി തീവ്രമഴയും വ്യാപക കൃഷിനാശവും. മാർച്ച് ഏപ്രിൽ മാസങ്ങളിലും മെയ് രണ്ടാം വാരാം വരെയും ജില്ലയിൽ അനുഭവപ്പെട്ടത് കൊടും ചൂടാണ്. പകൽ 40 ഡിഗ്രി സെൽഷ്യസിനോടടുത്ത് താപനില ഉയർന്നപ്പോൾ ജില്ലയിലെ പച്ചക്കറി, വാഴ, കുരുമുളക് ഉൾപ്പടെയുള്ള കാർഷിക വിളകൾ കരിഞ്ഞുണങ്ങി കർഷകന് ലക്ഷങ്ങളുടെ നഷ്ടം സംഭവിച്ചിരുന്നു. പിന്നീട് ആശ്വാസമായി വേനൽ മഴ എത്തിയതോടെ പലരും വിത്തുവാങ്ങി വീണ്ടും കൃഷിയിറക്കി. കഴിഞ്ഞ രണ്ടു ദിവസത്തെ കനത്ത മഴയിലും  വെള്ളപ്പൊക്കത്തിലും ഇവ നശിച്ചു.
അയർക്കുന്നം അടക്കമുള്ളപ്രദേശങ്ങളിൽ വെള്ളം കയറിയതോടെ  പ്രദേശത്തെ കപ്പ കർഷകരും ദുരിതത്തിലാണ്.ഒൻപതാം മാസം വിളവെടുപ്പു തുടങ്ങിയപ്പോഴാണ് മിന്നല്‍പ്രളയം. വെള്ളം കെട്ടിനില്‍ക്കുന്ന സാഹചര്യത്തില്‍ കര്‍ഷകര്‍ കപ്പ അപ്പാടെ പറിച്ചുമാറ്റാന്‍ നിര്‍ബന്ധിതരായി.ക​ട​ക​ളി​ല്‍ ക​പ്പ ചി​ല്ല​റ​വി​ല കി​ലോ 40 രൂ​പ ഉണ്ടായിരുന്നപ്പോൾ അ​യ​ര്‍ക്കു​ന്നം പു​ന്ന​ത്തു​റ​യി​ലെ ക​ര്‍ഷ​ക​രി​ല്‍നി​ന്ന് മൊ​ത്ത ക​ച്ച​വ​ട​ക്കാ​ര്‍ വാ​ങ്ങു​ന്ന​ത് 22 രൂ​പ​യ്ക്കായിരുന്നു. പിന്നാലെ​യാ​ണ് മീ​ന​ച്ചി​ലാ​റി​നോ​ടും പ​ന്ന​കം തോ​ടി​നോ​ടും ചേ​ര്‍ന്ന ക​പ്പ​ത്തോ​ട്ട​ങ്ങ​ളി​ലേ​ക്ക് മ​ല​വെ​ള്ളം ഇ​ര​ച്ചു​ക​യ​റി​യ​ത്. 
പ​രി​ച​യ​മു​ള്ള ക​പ്പ​ക്ക​ച്ച​ട​ക്കാ​രെ​യെ​ല്ലാം വി​ളി​ച്ച് ക​പ്പ വാ​ങ്ങി സ​ഹാ​യി​ക്കാ​മോ​യെ​ന്നു ചോ​ദി​ച്ച​പ്പോ​ള്‍ ഏ​റെ​പ്പേ​ര്‍ക്കും വേ​ണ്ട. ക​പ്പ വി​റ്റ​ശേ​ഷം എ​ത്ര​യെ​ങ്കി​ലും വി​ല ത​രാ​മെ​ന്നു പ​റ​ഞ്ഞ് ചി​ല​ര്‍ കു​റെ ക​പ്പ വാ​ങ്ങി​ക്കൊ​ണ്ടു​പോ​യി. പ​ര​മാ​വ​ധി പ​ത്തോ പ​തി​ന​ഞ്ചോ രൂ​പ കി​ലോ​യ്ക്ക് ക​ര്‍ഷ​ക​ര്‍ക്ക് കി​ട്ടി​യാ​ലാ​യി. കു​റെ​ച്ചെ​ങ്കി​ലും വി​റ്റു​പോ​യാ​ല്‍ ന​ഷ്ടം അ​ത്ര​യും കു​റ​യു​മ​ല്ലോ​യെ​ന്നാ​ണ് കർഷകര്‍ പ​റ​യു​ന്ന​ത്.