പാ​ലാ ന​ഗ​ര​സ​ഭാ കൗ​ണ്‍​സി​ല്‍ ഹാ​ളി​ല്‍​നി​ന്നു എ​യ​ര്‍​പോ​ഡ് കാ​ണാ​താ​യ സം​ഭ​വ​ത്തി​ല്‍ സി​പി​എം കൗ​ണ്‍​സി​ല​ര്‍ ബി​നു പു​ളി​ക്ക​ക്ക​ണ്ട​ത്തി​നെ​തി​രേ മോഷണക്കുറ്റത്തിന്  പോ​ലീ​സ് കേ​സെ​ടു​ത്തു. എയർപോഡ് ല​ഭി​ച്ച​ വനിതാ സുഹൃത്ത്  ക​ഴി​ഞ്ഞ ദി​വ​സം പോ​ലീ​സ് സ്റ്റേ​ഷ​നി​ല്‍ എ​യ​ര്‍​പോ​ഡ് എ​ത്തി​ച്ചു​ന​ല്‍​കിയതിനു പിന്നാലെയാണ് നടപടി. ബി​നു പു​ളി​ക്ക​ക്ക​ണ്ട​ത്തി​നെ അ​റ​സ്റ്റ് ചെ​യ്യ​ണ​മെ​ന്നു ജോ​സ് ചീ​രാം​കു​ഴി

പാ​ലാ: പാ​ലാ ന​ഗ​ര​സ​ഭാ കൗ​ണ്‍​സി​ൽ യോഗത്തിനിടെ ഹാ​ളി​ല്‍​നി​ന്നു കേ​ര​ള കോ​ണ്‍​ഗ്ര​സ് (എം) കൗ​ണ്‍​സി​ല​ര്‍ ജോ​സ് ചീ​രാം​കു​ഴി​യു​ടെ എ​യ​ര്‍​പോ​ഡ് കാ​ണാ​താ​യ സം​ഭ​വ​ത്തി​ല്‍ സി​.പി​.എം കൗ​ണ്‍​സി​ല​ര്‍ ബി​നു പു​ളി​ക്ക​ക്ക​ണ്ട​ത്തി​നെ​തി​രേ മോഷണക്കുറ്റത്തിന് പോ​ലീ​സ് കേ​സെ​ടു​ത്തു. നഷ്ടപ്പെട്ടതെന്നു കരുതുന്ന എയർപോഡ് കഴിഞ്ഞയാഴ്ച ഇംഗ്ലണ്ടിലെ മാഞ്ചസ്റ്ററിൽ നഴ്‌സായി ജോലി ചെയ്യുന്ന പാലാ സ്വദേശിനി പോലീസിന് കൈമാറിയിരുന്നു.
ഇവരെ ചോദ്യം ചെയ്ത ശേഷമാണ് പോലീസിൻ്റെ നടപടി. നാ​ലു മാ​സം മു​ൻപാണ് ന​ഗ​ര​സ​ഭാ കൗ​ണ്‍​സി​ല്‍ കൂ​ടു​ന്ന​തി​നി​ടെ കൗ​ണ്‍​ലി​ല്‍ ഹാ​ളി​ല്‍ മേ​ശ​പ്പു​റ​ത്ത് വ​ച്ചി​രു​ന്ന എ​യ​ര്‍​പോ​ഡ് കാ​ണാ​താ​കു​ന്ന​ത്. പ​രാ​തി​പ്ര​കാ​രം മാ​ര്‍​ച്ച് ആ​റി​ന് എ​ഫ്ഐ​ആ​ര്‍ ര​ജി​സ്റ്റ​ര്‍ ചെ​യ്തി​രു​ന്നു. മാ​ര്‍​ച്ച് ആ​ദ്യ​വാ​രം പ​രാ​തി​ക്കാ​ര​ന്‍റെ മൊ​ഴി രേ​ഖ​പ്പെ​ടു​ത്തി.
മോ​ഷ​ണം പോ​യ എ​യ​ര്‍​പോ​ഡ് സം​ബ​ന്ധി​ച്ച്  പരാതി ഉയർന്നതോടെ ഇ​ത് ല​ഭി​ച്ച​ സുഹൃത്ത് ക​ഴി​ഞ്ഞ ദി​വ​സം പോ​ലീ​സ് സ്റ്റേ​ഷ​നി​ല്‍ എ​യ​ര്‍​പോ​ഡ് എ​ത്തി​ച്ചു​ന​ല്‍​കു​ക​യാ​യി​രു​ന്നു. ഇ​യാ​ളു​ടെ വി​ശ​ദ​മാ​യ മൊ​ഴി​യും പോ​ലീ​സ് രേ​ഖ​പ്പെ​ടു​ത്തി.
ഇത് മോഷണംപോയ എയർപോഡ് ആണോയെന്ന് ഉറപ്പുവരുത്തുന്നതിനായി പോലീസ് ശാസ്ത്രീയപരിശോധന നടത്തിയിരുന്നു.എ​യ​ര്‍​പോ​ഡ് പോ​ലീ​സ് സ്റ്റേ​ഷ​നി​ല്‍​നി​ന്നു ത​ന്നെ കാ​ണി​ച്ചി​രു​ന്നു​വെ​ന്നും അ​ത് ത​ന്‍റെ ത​ന്നെ​യാ​ണെ​ന്ന് വ്യ​ക്ത​മാ​യ​താ​യും ജോ​സ് പ​റ​ഞ്ഞു. പോ​ലീ​സ് ര​ഹ​സ്യ​മൊ​ഴി​യാ​ണ് രേ​ഖ​പ്പെ​ടു​ത്തി​യ​ത്.​ അ​തി​നാ​ല്‍ എ​യ​ര്‍​പോ​ഡ് തി​രി​കെ എ​ത്തി​ച്ച​ത് ആ​രാ​ണെ​ന്ന് വ്യ​ക്ത​മാ​ക്കു​ന്നി​ല്ല.
നഗ​ര​സ​ഭാ കൗ​ണ്‍​സി​ല്‍ ഹാ​ളി​ല്‍ നി​ന്നും എ​യ​ര്‍​പോ​ഡ് മോ​ഷ​ണം പോ​യ​തും ഇ​തു സം​ബ​ന്ധി​ച്ച് താ​ന്‍ പോ​ലീ​സി​ല്‍ ന​ല്‍​കി​യ കേ​സു​മാ​യി ബ​ന്ധ​പ്പെ​ട്ട് സി​പി​എ​മ്മി​നും മാ​ണി ഗ്രൂ​പ്പി​നും ഒ​രു ബ​ന്ധ​വു​മി​ല്ലെ​ന്ന് ജോ​സ് ചീ​രാം​കു​ഴി പ​റ​ഞ്ഞു. കൗ​ണ്‍​സി​ല​ര്‍ ബി​നു പു​ളി​ക്ക​ക്ക​ണ്ട​ത്തി​നെ അ​റ​സ്റ്റ് ചെ​യ്യ​ണ​മെ​ന്നും ജോ​സ് ചീ​രാം​കു​ഴി ആ​വ​ശ്യ​പ്പെ​ട്ടു. എ​ന്നാ​ല്‍, രാ​ഷ്‌​ട്രീ​യ യ​ജ​മാ​ന​നെ തൃ​പ്തി​പ്പെ​ടു​ത്താ​ന്‍ ജോ​സ് ചീ​രാം​കു​ഴി ന​ട​ത്തു​ന്ന ജ​ല്പ​ന​ങ്ങ​ള്‍​ക്കു മ​റു​പ​ടി അ​ര്‍​ഹി​ക്കു​ന്നി​ല്ലെ​ന്ന് കൗ​ണ്‍​സി​ല​ര്‍ ബി​നു പു​ളി​ക്ക​ക്ക​ണ്ടം പ​റ​ഞ്ഞു.