ആന്‍ഡ്രോയിഡ് ആപ്പില്‍ പുതിയ ഷെയര്‍ ബട്ടണ്‍ അവതരിപ്പിച്ച് ഗൂഗിൾ . സെര്‍ച്ച് റിസല്‍ട്ടില്‍ വരുന്ന ലിങ്കുകള്‍ അവ തുറക്കാതെ തന്നെ പങ്കുവെക്കുന്നതിന് വേണ്ടിയാണ് പുതിയ സംവിധാനം .സാധാരണ സെര്‍ച്ച് റിസല്‍ട്ടില്‍ വരുന്ന ലിങ്കുകള്‍ തുറന്ന് യുആര്‍എല്‍ കോപ്പി ചെയ്‌തോ വെബ്‌സൈറ്റിലെ ഷെയര്‍ ബട്ടണ്‍ വഴിയോ വേണം ലിങ്കുകള്‍ പങ്കുവെക്കാന്‍. സംവിധാനത്തിൽ അതിന്റെ ആവശ്യമില്ലെന്ന് ആന്‍ഡ്രോയിഡ് പോലീസ് വെബ്‌സൈറ്റ് സ്ഥാപകനായ ആര്‍ട്ടെം റുസാകോവ്‌സ്‌കി എക്‌സില്‍ വ്യക്തമാക്കി.
ഗൂഗിള്‍ ആപ്പില്‍ സെര്‍ച്ച് ചെയ്യുമ്പോള്‍ വരുന്ന റിസല്‍ട്ടില്‍ ഏതെങ്കിലും ലിങ്കിന് മേല്‍ ലോങ് പ്രസ് ചെയ്താല്‍ ഷെയര്‍ ഓപ്ഷന്‍ തുറന്നുവരും. ഇവിടെ നിന്ന് ലിങ്ക് കോപ്പി ചെയ്യുകയോ ഏതെങ്കിലും ആപ്പുകള്‍ വഴി പങ്കുവെക്കുകയോ ചെയ്യാം. ഇതിന്റെ സ്‌ക്രീന്‍ ഷോട്ടുകളും ആര്‍ട്ടെം റുസാകോവ്‌സ്‌കി പങ്കുവെച്ചിട്ടുണ്ട്.
എന്നാല്‍ എല്ലാ ലിങ്കുകളും ഇതുപോലെ കോപ്പി ചെയ്യാനാവില്ല. പ്രത്യേകിച്ചും ഏതെങ്കിലും ആപ്പിലേക്ക് റീഡയറക്ട് ചെയ്യുന്ന ലിങ്കുകള്‍. ഉദാഹരണത്തിന് ഗൂഗിള്‍ പ്ലേ സ്റ്റോറിലേക്ക് റീഡയറക്ട് ചെയ്യുന്ന ലിങ്കുകള്‍ ഇതുപോലെ കോപ്പി ചെയ്യാനാവില്ലെന്നും വിദഗ്ദർ വിശദീകരിച്ചു.
പുതിയ ഷെയര്‍ ബട്ടണ്‍ അവതരിപ്പിച്ച് ഗൂഗിൾ: ആന്‍ഡ്രോയിഡ് ആപ്പിലെ പുതിയ സൗകര്യം ഇങ്ങനെ
Byadmin
May 10, 2024