തിരുവനന്തപുരം: ലോക്സഭ തെരഞ്ഞെടുപ്പില്‍ സാമാന്യം നല്ല പോളിങ് ശതമാനം തന്നെയാണുള്ളതെന്ന് സി.പി.എം. സംസ്ഥാന സെക്രട്ടറി എം.വി. ഗോവിന്ദന്‍. ശതമാനത്തില്‍ എന്തെങ്കിലും ഉത്കണ്ഠ ഉണ്ടാകേണ്ട കാര്യമില്ലെന്നാണ് തോന്നുന്നത്. പാര്‍ട്ടിയുടെ കണക്കുകളൊന്നും കിട്ടിയിട്ടില്ല. അക്കാര്യങ്ങളൊക്കെ നാളെ പറയാമെന്നും എം.വി. ഗോവിന്ദന്‍ മാധ്യമങ്ങളോട് പറഞ്ഞു.
നല്ല പോലെ വിജയിക്കും. കേരളത്തില്‍ ബി.ജെ.പി. ഒരു മണ്ഡലത്തിലും വിജയിക്കില്ല. തിരുവനന്തപുരത്തും സാധ്യതയില്ല. തൃശൂരും സാധ്യതയില്ല. അതുകൊണ്ട് അതില്‍ വേറെ പ്രയാസം ഒന്നുമുണ്ടാകേണ്ട കാര്യമില്ല. ഘടകകക്ഷിയായ സി.പി.ഐ. മത്സരിക്കുന്ന തിരുവനന്തപുരത്തും തൃശൂരിലും ഇടതുപക്ഷ ജനാധിപത്യ മുന്നണിക്ക് വലിയ വിജയസാധ്യതയുണ്ട്. രണ്ടിത്തും ബി.ജെ.പി. തോല്‍ക്കുമെന്നും ഗോവിന്ദന്‍ പറഞ്ഞു.
സാമാന്യം നല്ല പോളിങ് ശതമാനം തന്നെയാണുള്ളത്, കേരളത്തില്‍ ബി.ജെ.പി. ഒരു മണ്ഡലത്തിലും വിജയിക്കില്ല: എം.വി. ഗോവിന്ദന്‍
Byadmin
Apr 28, 2024