ഓരോ വർഷവും ഓരോ പ്രധാനമന്ത്രി, 5 വർഷം 5 പേർ രാജ്യം ഭരിക്കണോ? പ്രധാനമന്ത്രി കസേര ഇന്ത്യ സഖ്യം ലേലമാക്കും: മോദി
ദില്ലി: ലോക് സഭ തെരഞ്ഞെടുപ്പിൽ ഇന്ത്യ സഖ്യം വിജയിച്ചാൽ പ്രധാനമന്ത്രി കസേരയിൽ ലേലം വിളിയായിരിക്കും നടക്കുകയെന്ന് നരേന്ദ്ര മോദി. ഓരോ വർഷവും സഖ്യത്തിന് ഓരോ പ്രധാനമന്ത്രിമാരായിരിക്കുമെന്ന് മാധ്യമ റിപ്പോർട്ടുകളുണ്ടെന്നും മോദി പറഞ്ഞു. 5 വർഷം 5 പേർ രാജ്യം ഭരിക്കണോയെന്നും പ്രധാനമന്ത്രി ചോദിച്ചു. പ്രധാനമന്ത്രി കസേര ലേലം വിളിക്കുന്ന അവസ്ഥയിലേക്ക് കാര്യങ്ങൾ എത്തരുതെന്നും മോദി ആവശ്യപ്പെട്ടു.