മോഹന്‍ലാലും ഷാരൂഖ് ഖാനും സോഷ്യല്‍ മീഡിയ പ്ലാറ്റ്‌ഫോമായ ‘എക്‌സി’ല്‍ നടത്തിയ സംഭാഷണം വൈറലാകുന്നു. ഒരു പരിപാടിയില്‍ ഷാരൂഖ് ചിത്രം ജവാനിലെ ‘സിന്ദാ ബന്ദാ’ ഗാനത്തിന് മോഹന്‍ലാല്‍ ചുവടുവയ്ക്കുന്ന വീഡിയോ സോഷ്യല്‍ മീഡിയയില്‍ ശ്രദ്ധേയമായിരുന്നു. പിന്നാലെ ഇതിനെ പ്രശംസിച്ച് ഷാരൂഖ് രംഗത്തെത്തി.
Thank u @Mohanlal sir for making this song the most special for me now. Wish I had done it half as good as you. Love u sir and waiting for dinner at home as and when. You are the OG Zinda Banda!!! https://t.co/0NezClMavx
— Shah Rukh Khan (@iamsrk) April 23, 2024
”ഈ ഗാനം ഇപ്പോൾ എനിക്ക് ഏറ്റവും സ്പെഷ്യൽ ആക്കിയതിന് മോഹൻലാൽ സാറിന് നന്ദി. അങ്ങ് ചെയ്തതിന്റെ പകുതിയെങ്കിലും എനിക്ക് നന്നായി ചെയ്യാന്‍ സാധിച്ചിരുന്നെങ്കില്‍ എന്ന് ആശിച്ചുപോയി. ലവ് യു സർ, താങ്കളോടൊപ്പം അത്താഴത്തിന് കാത്തിരിക്കുന്നു”, എന്നാണ് ഷാരൂഖ് കുറിച്ചത്.
Dear @iamsrk, nobody can do it like you! You are and always will be the OG Zinda Banda in your classic, inimitable style. Thanks for your kind words. Also, just dinner? Why not groove to some Zinda Banda over breakfast, too? https://t.co/0OCZD4VPoH
— Mohanlal (@Mohanlal) April 23, 2024
ഇതിന് മറുപടിയുമായി മോഹന്‍ലാലും രംഗത്തെത്തി. ”പ്രിയപ്പെട്ട ഷാരൂക്ക്, നിങ്ങളെപ്പോലെ ആർക്കും ഇത് ചെയ്യാൻ കഴിയില്ല. അങ്ങയുടെ നല്ല വാക്കുകള്‍ക്ക് നന്ദി”, എന്നായിരുന്നു മോഹന്‍ലാലിന്റെ മറുപടി. കൂടാതെ അത്താഴം മാത്രം മതിയോ പ്രഭാത ഭക്ഷണം കൂടിയായലോ എന്നും മോഹൻലാൽ ചോദിച്ചു.
Done sir. Your place or mine? https://t.co/5kvZQYrWEi
— Shah Rukh Khan (@iamsrk) April 23, 2024
‘തീര്‍ച്ചയായും സര്‍’ എന്നായിരുന്നു ഇതിനോട് ഷാരൂഖ് പ്രതികരിച്ചത്. തന്റെ വീട്ടിലാണോ അതോ മോഹന്‍ലാലിന്റെ വീട്ടിലാണോ ഇത് വേണ്ടതെന്നും ഷാരൂഖ് ചോദിച്ചു.
Would love to host you at mine. https://t.co/JnBWFEguCd
— Mohanlal (@Mohanlal) April 23, 2024
അത് തന്റെ വീട്ടില്‍ എന്നായിരുന്നു മോഹന്‍ലാലിന്റെ മറുപടി. ഷാരൂഖിന് ആതിഥ്യമരുളാന്‍ ആഗ്രഹിക്കുന്നുവെന്നും മോഹന്‍ലാല്‍ പറഞ്ഞു. താരരാജാക്കന്‍മാരുടെ ഈ സംഭാഷണം ആരാധകരും ഏറ്റെടുത്തിരിക്കുവാണ്.