പത്തനംതിട്ട: കോണ്‍ഗ്രസ് വിട്ടശേഷം തന്നെ എം എം ഹസ്സന്‍ ബന്ധപ്പെട്ടിരുന്നുവെന്നും ബിജെപിയിലേക്ക് പോകരുതെന്ന് ആവശ്യപ്പെട്ടുവെന്നും പത്തനംതിട്ടയിലെ ബിജെപി സ്ഥാനാര്‍ത്ഥി അനില്‍ ആന്റണി. വേണമെങ്കില്‍ സിപിഐഎമ്മിലേക്ക് പൊക്കോളുവെന്നായിരുന്നു പറഞ്ഞതെന്നും അനില്‍ ആന്റണി പറഞ്ഞു. തിരഞ്ഞെടുപ്പില്‍ പിതാവിന്റെ അനുഗ്രഹം തനിക്കുണ്ട്. പിതാവിന്റെ അനുഗ്രഹം താന്‍ തേടുമെന്നും അനില്‍ ആന്റണി പറഞ്ഞു.
പ്രിയങ്കാ ഗാന്ധിയുടെ പത്തനംതിട്ട സന്ദര്‍ശനം യാതൊരു ഇംപാക്ടും ഉണ്ടാക്കില്ലെന്നും അനില്‍ ആന്റണി ചൂണ്ടിക്കാണിച്ചു. പ്രിയങ്കാ ഗാന്ധി പത്തനംതിട്ടയില്‍ എത്തുന്നതില്‍ ആശങ്കയില്ല. പ്രിയങ്കയുടെ വരവ് ഒരു ഇംപാക്ടും ഉണ്ടാക്കില്ല. സ്വന്തം സംസ്ഥാനത്ത് പ്രിയങ്കയും രാഹുലും വട്ടപൂജ്യം ആണെന്നും അനില്‍ ആന്റണി പരിഹസിച്ചു.
കോണ്‍ഗ്രസ് വിട്ടശേഷം, സിപിഐഎമ്മില്‍ പോയാലും ബിജെപിയില്‍ പോകരുതെന്ന് ഹസ്സന്‍ പറഞ്ഞു: അനില്‍ ആന്റണി
Byadmin
Apr 20, 2024