കൊ​യ്തു​കൂ​ട്ടി​യ നെ​ല്ല്  ഒ​മ്പ​തു​ ദി​വ​സ​മാ​യി റോ​ഡരികില്‍ കൂ​ട്ടി​യി​ട്ടി​രി​ക്കു​ന്നു. കിഴിവ് കിട്ടാതെ നെല്ല് സംഭരിക്കില്ലെന്ന ഉറച്ച നിലപാടിൽ മിൽ ഉടമകൾ. ന​ട​പ​ടി​യി​ല്‍ പ്ര​തി​ഷേ​ധി​ച്ച് ക​ര്‍ഷ​ക​ര്‍ ഇ​ന്ന് മു​ട്ട​ത്തു​ക​ട​വി​ല്‍ റോ​ഡ് ഉ​പ​രോ​ധി​ക്കും. കർഷകർക്ക് ആശങ്കയായി വേനൽ മഴയും.

ചിങ്ങവനം: കി​ഴി​വ് ലഭിക്കാതെ നെല്ല് സംഭരിക്കില്ലെന്ന ഉറച്ച നിലപാടിൽ മിൽ ഉടമകൾ. വി​ഷ​യം പ​രി​ഹ​രി​ക്കാ​തെ തു​ട​രു​ന്നു. കു​റി​ച്ചി പ​ഞ്ചാ​യ​ത്തി​ലെ കാ​രി​ക്കു​ഴി, ക​ക്കു​ഴി, പാ​ല​ച്ചാ​ല്‍ പാ​ട​ശേ​ഖ​ര​ങ്ങ​ളി​ലാണ് നെ​ല്ല് സം​ഭ​ര​ണം ത​ട​സ​പ്പെ​ട്ടത്. റോ​ഡി​ന്‍റെ ഇ​രു​വ​ശ​ങ്ങ​ളി​ലും നെ​ല്ല് കൂ​ട്ടി​യി​ട്ടി​രി​ക്കു​ക​യാ​ണ്. ന​ല്ല ഉ​ണ​ക്കു​ള്ള സ​മ​യ​ത്തും ആ​റു​കി​ലോ കി​ഴി​വാ​ണ് മി​ല്ലു​കാ​ര്‍ ചോ​ദി​ക്കു​ന്ന​ത്. കൊ​യ്തു​കൂ​ട്ടി​യ നെ​ല്ല് ക​ഴി​ഞ്ഞ ഒ​മ്പ​തു​ദി​വ​സ​മാ​യി റോ​ഡരികില്‍ കൂ​ട്ടി​യി​ട്ടി​രി​ക്കു​ക​യാ​ണ്. വേ​ന​ല്‍ മ​ഴ ക​ര്‍ഷ​ക​രു​ടെ മ​ന​സു​ക​ളി​ല്‍ ആ​ശ​ങ്ക സൃ​ഷ്ടി​ക്കു​ന്ന സാ​ഹ​ച​ര്യ​ത്തി​ലാ​ണ് ക്വി​ന്‍റ​ലു​ക​ണ​ക്കി​നു നെ​ല്ല് റോ​ഡി​ല്‍ കി​ട​ക്കു​ന്ന​ത്.
കി​ഴി​വി​ന്‍റെ പേ​രി​ല്‍ നെ​ല്ല് സം​ഭ​രി​ക്കാ​ത്ത ന​ട​പ​ടി​യി​ല്‍ പ്ര​തി​ഷേ​ധി​ച്ച് ക​ര്‍ഷ​ക​ര്‍ ഇ​ന്ന് മു​ട്ട​ത്തു​ക​ട​വി​ല്‍ റോ​ഡ് ഉ​പ​രോ​ധി​ക്കുമെന്ന് കർഷക സംഘടനകൾ അറിയിച്ചു. വേന മഴ ശക്തമായാൽ ഇപ്പോൾ ആവശ്യപ്പെടുന്നതിനേക്കാൾ കൂടുതൽ കിഴിവ് കർഷകർ നൽകേണ്ടിവരും. ജില്ലയിലെ മറ്റു ഭാഗങ്ങളിൽ   കുഴപ്പങ്ങളില്ലാതെ സംഭരണം നടക്കുമ്പോഴാണ് കുറിച്ചി മേഖലയിലെ കർഷകർ ദുരിതം അനുഭവിക്കുന്നത്.