തൃശൂര്‍: പൊരിവെയിലില്‍ പിഞ്ചുകുഞ്ഞുമായി ഭിക്ഷാടനം നടത്തിയ നാടോടി സ്ത്രീ പൊലീസ് കസ്റ്റഡിയില്‍. തൃശൂര്‍ വടക്കാഞ്ചേരി ടൗണിലെ ബിവറേജ് ഷോപ്പിന് സമീപമാണ് യുവതി കുഞ്ഞുമായി ഭിക്ഷാടനം നടത്തിയത്. പൊലീസെത്തി യുവതിയെ കസ്റ്റഡിയിലെടുത്തു.
ശനിയാഴ്ച രാവിലെ പതിനൊന്ന് മണിയോടെയായിരുന്നു സംഭവം. വെയിലേറ്റുള്ള കുഞ്ഞിന്റെ ഉച്ചത്തിലുള്ള കരച്ചില്‍ കേട്ട് നാട്ടുകാരാണ് പൊലീസില്‍ വിവരം അറിയിച്ചത്. രണ്ട് വയസ് പ്രായം തോന്നിക്കുന്ന ആണ്‍കുട്ടിയാണ് യുവതിക്കൊപ്പമുണ്ടായിരുന്നത്.
തന്റെ കുട്ടി തന്നെയാണിതെന്ന് നാടോടി സ്ത്രീ പറഞ്ഞെങ്കിലും പൊലീസ് വിശ്വസിച്ചിട്ടില്ല. ഇവര്‍ക്കൊപ്പമുണ്ടായിരുന്ന മറ്റ് നാടോടി സ്ത്രീകള്‍ പൊലീസ് എത്തിയതോടെ ഓടി രക്ഷപ്പെടുകയായിരുന്നു. കുഞ്ഞിനെ ചൈല്‍ഡ് വെല്‍ഫെയര്‍ ഹോമിലേല്‍പ്പിച്ചു.
പൊരിവെയിലില്‍ പിഞ്ചുകുഞ്ഞുമായി ഭിക്ഷാടനം നടത്തി; നാടോടി സ്ത്രീ പൊലീസ് കസ്റ്റഡിയില്‍
Byadmin
Mar 17, 2024