ഗാസ തീരത്തെത്തി സഹായം, കടൽ വഴിയുള്ള ആദ്യ നാവിക സഹായ വിതരണ ഷിപ്പ്‌മെൻ്റ് തീരത്ത് ഒഴുകിയെത്തി

ഗാസ: ഇസ്രായേൽ-ഗാസ യുദ്ധത്തെ തുടർന്ന് പ്രതിസന്ധിയിലായ  ഗാസക്കുള്ള  കടൽ വഴിയുള്ള ആദ്യ നാവിക സഹായ വിതരണ ഷിപ്പ്‌മെൻ്റ് ഗാസയുടെ തീരത്തെത്തി.   യുണൈറ്റഡ് അറബ് എമിറേറ്റ്‌സിൻ്റെ സഹകരണത്തോടെയാണ് ഈ ദൗത്യം. ഇതിനു പിന്നിലെ യുഎസ് ചാരിറ്റിയും , വേൾഡ് സെൻട്രൽ കിച്ചൻ എന്നിവയും സഹായ വിതരണം നടത്തും .
ഗാസയ്ക്ക് ആവശ്യമായ 200 ടൺ ഭക്ഷണമുണ്ടായിരുന്നു ഈ കപ്പലിൽ ,അതേസമയം സഹായ വിതരണങ്ങളെ ഇസ്രായേൽ തടസ്സപ്പെടുത്തുന്നുവെന്ന് എയ്ഡ് ഏജൻസികൾ ആരോപിച്ചു, ഈ ആരോപണം ഇസ്രായേൽ ഉദ്യോഗസ്ഥർ ശക്തമായി നിഷേധിച്ചു.തെക്ക് ഭാഗത്ത് രണ്ട് ക്രോസിംഗുകളിലൂടെ ഇസ്രായേൽ സഹായം അനുവദിക്കുന്നുണ്ടെന്നും ലോജിസ്റ്റിക് പരാജയങ്ങൾക്ക് സഹായ ഏജൻസികളെ കുറ്റപ്പെടുത്തിയതായും അവർ പറയുന്നു.
ഒക്‌ടോബർ 7-ന് തെക്കൻ ഇസ്രായേലിൽ ഹമാസ് തോക്കുധാരികൾ ആക്രമണം നടത്തുകയും 1,200 ഓളം പേരെ കൊല്ലുകയും 253 ബന്ദികളെ പിടിക്കുകയും ചെയ്‌തതിന് ശേഷം ആരംഭിച്ച ഇസ്രായേൽ സൈനിക നടപടികളിൽ ഗാസ മുനമ്പിൻ്റെ ഭൂരിഭാഗവും നശിപ്പിക്കപ്പെട്ടു.അതിനുശേഷം ഇതുവരെ 31,400-ലധികം പേർ ഗാസയിൽ കൊല്ലപ്പെട്ടതായി ഹമാസിൻ്റെ നിയന്ത്രണത്തിലുള്ള ആരോഗ്യ മന്ത്രാലയം അറിയിച്ചു.