എടക്കര: മോര്‍ഫ് ചെയ്ത നഗ്നഫോട്ടോകള്‍ അയച്ചുകൊടുത്ത് എടക്കര സ്വദേശിനിയില്‍നിന്ന് ഭീഷണിപ്പെടുത്തി പണം തട്ടിയ കേസില്‍ ഓണ്‍ലൈന്‍ തട്ടിപ്പുകാരായ മൂന്നു യുവാക്കള്‍ പിടിയില്‍.
കോഴിക്കോട് വടകര വള്ളിക്കാട് മുട്ടുങ്ങല്‍ സ്വദേശികളായ തെക്കേ മനയില്‍ അശ്വന്ത് ലാല്‍ (23), തയ്യല്‍ കുനിയില്‍ അഭിനാഥ് (26), കോഴിപ്പറമ്ബത്ത് സുമിത് കൃഷ്ണന്‍ (21) എന്നിവരാണ് പിടിയിലായത്. പലതവണയായി 43,500 രൂപയാണ് സംഘം കൈവശപ്പെടുത്തിയത്.
ഡിസംബറില്‍ സൈബര്‍ കാര്‍ഡ് എന്ന ആപ്പിലൂടെ 4000 രൂപ വായ്പയെടുത്ത പരാതിക്കാരി പലിശയടക്കം തിരിച്ചടവ് പൂര്‍ത്തിയാക്കിയിരുന്നു. എന്നാല്‍, കൂടുതല്‍ പണം വായ്പ എടുത്തിട്ടുണ്ടെന്നും അത് തിരിച്ചടക്കാത്തപക്ഷം മോര്‍ഫ് ചെയ്ത നഗ്നചിത്രങ്ങള്‍ ബന്ധുക്കള്‍ക്കും മറ്റും അയയ്ക്കുമെന്നും പറഞ്ഞ് നിരന്തരം ഭീഷണിപ്പെടുത്തി. സീനിയര്‍ സി.പി.ഒ മാരായ അനൂപ്, പ്രീതി, ഉണ്ണികൃഷ്ണന്‍, സാബിര്‍ അലി, ബിന്ദു എന്നിവര്‍ അന്വേഷണസംഘത്തിലുണ്ടായിരുന്നു.
മോര്‍ഫ് ചെയ്ത നഗ്നഫോട്ടോകള്‍ അയച്ചുകൊടുത്ത് ഭീഷണിപ്പെടുത്തി പണം തട്ടി; മൂന്ന് യുവാക്കള്‍ പിടിയില്‍
Byadmin
Mar 13, 2024