ചണ്ഡീഗഡ്: ഹരിയാനയിലെ ധാബയില്‍ പാര്‍ക്കിങ്ങില്‍ കാറിലിരുന്ന് ഉറങ്ങുകയായിരുന്ന വ്യാപാരിയെ വെടിവച്ചുകൊന്നു.
രാവിലെ 8.30ന് ഹരിയാനയിലെ മുര്‍താലിലെ ഗുല്‍ഷന്‍ ധാബയിലായിരുന്നു സംഭവം. സുന്ദര്‍ മാലിക് (38) എന്നയാളാണ് കൊല്ലപ്പെട്ടത്. മദ്യവ്യാപാരിയായ സുന്ദര്‍, ഹരിയാനയിലെ സരഗതല്‍ ഗ്രാമത്തില്‍നിന്നുള്ളയാളാണ്.
പ്രതികള്‍ 35 തവണ വെടിയുതിര്‍ത്തതായാണു പൊലീസ് നല്‍കുന്ന വിവരം. ഗുണ്ടാസംഘങ്ങള്‍ തമ്മിലുള്ള ഏറ്റുമുട്ടലിന്റെ ഭാഗമായുള്ള കൊലപാതകമല്ലെന്നാണു പൊലീസിന്റെ നിഗമനം.
എട്ടംഗ സംഘം അന്വേഷണം ആരംഭിച്ചതായും കൊല്ലപ്പെട്ടയാളുടെ കുടുംബാംഗങ്ങളുമായി സംസാരിച്ച ശേഷം തുടര്‍നടപടികള്‍ സ്വീകരിക്കുമെന്നും പൊലീസ് പറഞ്ഞു.
ഹരിയാനയിൽ കാറിലിരുന്ന് ഉറങ്ങിയ മദ്യ വ്യാപാരിയെ വെടിവെച്ചു കൊന്നു; വെടിയുതിര്‍ത്തത് 35 തവണ
Byadmin
Mar 10, 2024