“വർഗ്ഗീയ പരാമർശത്തിൽ മുഖ്യമന്ത്രി മാപ്പ് പറയണം”: ജിദ്ദ തിരൂരങ്ങാടി മണ്ഡലം കെ എം സി സി

ജിദ്ദ:  പൂഞ്ഞാറിൽ  നടന്ന സംഭവത്തിൽ മുഖ്യമന്ത്രി നടത്തിയ വർഗ്ഗീയ പാരാമർശം പിൻവലിച്ച്  കേരള സമൂഹത്തോട് മാപ്പ് പറയണമെന്ന് ജിദ്ദ തിരൂരങ്ങാടി മണ്ഡലം കെ എം സി സി കമ്മിറ്റി ആവശ്യപ്പെട്ടു. 
 തികച്ചും വർഗ്ഗീയ പരാമർശമാണത്. ഒരു മത  വിഭാഗത്തെ സംശയത്തിൻ്റെ മുനയിൽ നിർത്തി ക്രിസത്യൻ  വോട്ട് നേടാനുള്ള തന്ത്രമാണ് മുഖ്യമന്ത്രി നടത്തുന്നത്. കുറച്ച് കുട്ടികൾ നടത്തിയ ഈ സംഭവം പോലും വർഗ്ഗീയമാക്കുന്നവർ നാട്ടിൽ മതവിദ്ദേശം വളർത്തി സമൂഹത്തോട് ചെയ്യുന്ന ക്രൂരതയാണിതെന്ന് കമ്മിറ്റി ആരോപിച്ചു.
സംഭവത്തിൽ മുസ്‍ലിം വിദ്യാർഥികൾ മാത്രമല്ല മറിച്ച് ക്രിസ്ത്യന്‍, ഹിന്ദു വിദ്യാർത്ഥികളും അടങ്ങിയവരാണ് ഉണ്ടായിരുന്നത് എന്ന് കേരള കോൺഗ്രസ്സ് എം നേതാവ് അഡ്വ: ജെയിംസ് സർവ്വകക്ഷി യോഗത്തിൽ കൃത്യമായി വ്യക്തമാക്കിയത് മുഖ്യമന്ത്രിക്കും വർഗ്ഗീയത പേരുന്നവർക്കുമുള്ള കൃത്യമായ മറുപടിയാണെന്നും കമ്മിറ്റി അഭിപ്രായപ്പെട്ടു.