ഒരു വർഷത്തിനുള്ളിൽ മൂന്ന് എസ്‌യുവികൾ കൂടി ഇന്ത്യൻ വിപണിയിൽ അവതരിപ്പിക്കാനൊരുങ്ങി കിയ

കിയ അടുത്ത ഒരു വർഷത്തിനുള്ളിൽ 3 എസ്‌യുവികൾ കൂടി ഇന്ത്യൻ വിപണിയിൽ അവതരിപ്പിക്കാൻ ഒരുങ്ങുകയാണ്. 2024-ൽ മുൻനിര EV9 ഇലക്ട്രിക് എസ്‌യുവിയും ന്യൂ-ജെൻ കാർണിവൽ എംപിവിയും ഇന്ത്യയിൽ അവതരിപ്പിക്കുമെന്ന് കമ്പനി ഇതിനകം സ്ഥിരീകരിച്ചിട്ടുണ്ട്. ഇതോടൊപ്പം, കിയ ക്ലാവിസ് എന്ന് വിളിക്കപ്പെടുന്ന ഒരു പുതിയ സബ്-4 മീറ്റർ എസ്‌യുവി അവതരിപ്പിക്കും എന്നും റിപ്പോര്‍ട്ടുകൾ ഉണ്ട്. 
വെന്യു കോംപാക്റ്റ് എസ്‌യുവിക്ക് താഴെയായി സ്ഥാനം പിടിക്കുന്ന കിയ ക്ലാവിസ് ടാറ്റ പഞ്ച്, മാരുതി സുസുക്കി ഫ്രോങ്‌ക്സ്, ഹ്യുണ്ടായ് എക്‌സ്‌റ്റർ എന്നിവയ്‌ക്ക് എതിരാളിയാകും. പുതിയ എസ്‌യുവി കൊറിയൻ നിരത്തുകളിൽ നിരവധി തവണ പരീക്ഷണം നടത്തിയിരുന്നു. ഇത് ICE, ഇലക്ട്രിക് പവർട്രെയിൻ ഓപ്ഷനുകൾക്കൊപ്പം വാഗ്ദാനം ചെയ്യും. 
പുതിയ തലമുറ കാർണിവൽ MPV 2024-ൽ ഇന്ത്യൻ വിപണിയിൽ അവതരിപ്പിക്കുമെന്ന് കിയ ഔദ്യോഗികമായി പ്രഖ്യാപിച്ചു. 2023 ഓട്ടോ എക്‌സ്‌പോയിൽ KA4 RV (വിനോദ വാഹനം) ആശയമായി കമ്പനി പുതിയ കാർണിവലിനെ പ്രദർശിപ്പിച്ചിരുന്നു. പുതിയ മോഡൽ വലുതാണ്. ഇത് ക്യാബിനിനുള്ളിൽ കൂടുതൽ ഇടം നൽകുകയും ചെയ്യും. 
കിയ EV9 3-വരി ഇലക്ട്രിക് എസ്‌യുവി ഈ വർഷം നമ്മുടെ വിപണിയിൽ അവതരിപ്പിക്കും. ഇത് ബ്രാൻഡിൻ്റെ ഇ-ജിഎംപി സ്കേറ്റ്ബോർഡ് ആർക്കിടെക്ചറിനെ അടിസ്ഥാനമാക്കിയുള്ളതാണ്. വേരിയൻ്റിനെ ആശ്രയിച്ച് 3-വരി എസ്‌യുവി ഒന്നിലധികം സീറ്റിംഗ് ലേഔട്ടിലാണ് വരുന്നത്. ഇത് മൂന്ന് പവർട്രെയിൻ ഓപ്ഷനുകളിൽ ലഭ്യമാണ്.