ന്യൂഡല്‍ഹി: ഏഴ് വയസുകാരിയെ അയല്‍വാസിയുടെ വളര്‍ത്തുനായ ആക്രമിച്ചു. പിറ്റ്ബുള്‍ ഇനത്തില്‍പ്പെട്ട നായയാണ് കുട്ടിയെ കടിച്ചത്. പരിക്കേറ്റ കുട്ടിയെ ആശുപത്രിയില്‍ പ്രവേശിപ്പിച്ചു. സംഭവത്തില്‍ പോലീസ് കേസെടുത്തു.
ഡല്‍ഹി ജഗത്പുരിയിലാണ് സംഭവം. കുട്ടിയുടെ അമ്മയാണ് പരാതി നല്‍കിയത്. തന്റെ മകളെ അയല്‍വാസിയുടെ പിറ്റ്ബുള്‍ ഇനത്തില്‍പ്പെട്ട നായ കടിച്ചെന്നും കുട്ടിയെ വലിച്ചിഴച്ചെന്നുമാണ് പരാതി. പോലീസ് സ്ഥലത്തെത്തി പരിശോധന നടത്തി. കുട്ടിയുടെ ശരീരത്തില്‍ കടിയേറ്റ പാടുകള്‍ കണ്ടെത്തിയതിനെത്തുടര്‍ന്ന് ഉടമയ്ക്കെതിരെ ഐപിസി 289, 337 വകുപ്പുകള്‍ പ്രകാരം കേസെടുത്തു.
