പത്തനംതിട്ട: പന്തളത്ത് വാഹന പരിശോധനയ്ക്കിടെ നിരോധിത പുകയില ഉത്പന്നങ്ങളുമായി രണ്ടുപേര്‍ അറസ്റ്റിലായി. മലപ്പുറം സ്വദേശികളായ പൊന്നാനി പള്ളപ്രം പാലക്കവളപ്പില്‍ ഫാറൂഖ് (28), വെളിയങ്കോട് കുറ്റിയാട്ടേല്‍ വീട്ടില്‍ റിയാസ് (38) എന്നിവരാണ് അറസ്റ്റിലായത്. ലക്ഷക്കണക്കിന് രൂപ വിലമതിക്കുന്ന ലഹരി വസ്തുക്കളാണ് പിടികൂടിയത്.
ഡാന്‍സാഫ് സംഘമാണ് വന്‍ ലഹരി വേട്ട നടത്തിയത്. പുലര്‍ച്ചെ 6.15ന് പത്തനംതിട്ട ജില്ലാ ഡാന്‍സഫ് സംഘമാണ് രണ്ടുപേരെയും പിടികൂടിയത്. വാഹന പരിശോധനയ്ക്കിടെ കുളനട പനങ്ങാട് ജംഗ്ഷനില്‍ വച്ചാണ് സംഘം പിടിയിലാകുന്നത്. ഇറച്ചി മാലിന്യങ്ങള്‍ക്ക് അടിയില്‍ 36 ചാക്കുകളിലായി ഒളിപ്പിച്ച നിലയിലായിരുന്നു ലഹരി വസ്തുക്കള്‍ സൂക്ഷിച്ചിരുന്നത്. മധ്യകേരളത്തിലേക്ക് ലഹരി വസ്തുക്കള്‍ എത്തിക്കുന്ന സംഘത്തിലെ പ്രധാനികളാണ് പിടിയിലായതെന്ന് പോലീസ് പറഞ്ഞു.
പന്തളത്ത് വന്‍ ലഹരിവേട്ട; ഇറച്ചി മാലിന്യങ്ങള്‍ക്ക് അടിയില്‍ 36 ചാക്കുകളിലായി ഒളിപ്പിച്ച നിലയില്‍ നിരോധിത പുകയില ഉത്പന്നങ്ങള്‍ പിടികൂടി
Byadmin
Mar 1, 2024