ചെന്നൈ: വീട്ടുകാര്‍ വിവാഹം ആലോചിക്കാത്തതില്‍ മനംനൊന്ത് 23കാരന്‍ ജീവനൊടുക്കി. മധുരയിലെ ലാലാപുരം സ്വദേശി വടമലൈയുടെ മകന്‍ മദന്‍കുമാറാണ് മരിച്ചത്.
തനിക്ക് വിവാഹം കഴിക്കണമെന്നും അതിന് വേണ്ടി ആലോചനകള്‍ ക്ഷണിക്കണമെന്നും മദന്‍ നേരത്തെ വീട്ടില്‍ പറഞ്ഞിരുന്നു.എന്നാല്‍, വീട്ടുകാര്‍ മദനെ വിവാഹം കഴിപ്പിക്കാന്‍ തയാറായില്ല. കൂടാതെ കുറച്ചു വര്‍ഷങ്ങള്‍ കൂടി കാത്തിരിക്കാനും പിതാവ് വടമലൈ ആവശ്യപ്പെട്ടു. സംഭവം നടന്ന ദിവസം മദ്യലഹരിയിലായിരുന്ന മദന്‍ വിവാഹക്കാര്യം പറഞ്ഞു പിതാവുമായി വീണ്ടും വഴക്കിട്ടു.ഒടുവില്‍ പിതാവിന് മുന്നില്‍ വച്ച് മദന്‍ വിഷം കഴിക്കുകയായിരുന്നു. മദനെ ഉടന്‍ സമീപത്തെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
വീട്ടുകാര്‍ വിവാഹം ആലോചിക്കാത്തതില്‍ മനംനൊന്ത് 23കാരന്‍ വിഷംകഴിച്ച് ജീവനൊടുക്കി
Byadmin
Feb 29, 2024