കുവൈറ്റ് സിറ്റി: കുവൈറ്റില്‍ പ്രവാസി സാമ്പത്തിക തട്ടിപ്പിന് ഇരയായതായി റിപ്പോര്‍ട്ട്. വ്യാജ ഫോണ്‍ കോള്‍ വഴി ഇദ്ദേഹത്തിന്റെ ബാങ്ക് അക്കൗണ്ടില്‍ നിന്ന് 3,700-ഓളം ദിനാര്‍ നഷ്ടപ്പെട്ടതായി പ്രാദേശികമാധ്യമം റിപ്പോര്‍ട്ട് ചെയ്തു. ബാങ്ക് ജീവനക്കാരനെന്ന വ്യാജേനയാണ് തട്ടിപ്പുകാരന് പ്രവാസിയെ വിളിച്ചത്. ബാങ്ക് നടത്തിയ നറുക്കെടുപ്പില്‍ പ്രവാസിക്ക് സമ്മാനം ലഭിച്ചതായി തട്ടിപ്പുകാരന് പറഞ്ഞു.
1,000 ദിനാറിന്റെ ഈ സമ്മാനത്തുക ലഭിക്കാന്‍ പാസ്‌വേഡും വെരിഫിക്കേഷന്‍ കോഡും ഉള്‍പ്പെടെയുള്ള ബാങ്ക് കാര്‍ഡ് വിവരങ്ങള്‍ നല്‍കണമെന്നും ഇയാള്‍ ആവശ്യപ്പെട്ടു. ഇത് വിശ്വസിച്ച പ്രവാസി ഇയാള്‍ ആവശ്യപ്പെട്ട വിവരങ്ങളെല്ലാം നല്‍കുകയും അക്കൗണ്ടിലെ പണം നഷ്ടപ്പെടുകയുമായിരുന്നു. സംഭവത്തില്‍ പ്രവാസി പൊലീസിന് പരാതി നല്‍കിയതായാണ് റിപ്പോര്‍ട്ട്.
ബാങ്ക് ജീവനക്കാരനെന്ന വ്യാജേന വിളിച്ച് നറുക്കെടുപ്പില്‍ സമ്മാനം ലഭിച്ചതായി തെറ്റിദ്ധരിപ്പിച്ചു; കേട്ടതെല്ലാം വിശ്വസിച്ച പ്രവാസി തട്ടിപ്പുകാരന് കൈമാറിയത് മുഴുവന്‍ അക്കൗണ്ട് വിശദാംശങ്ങള്‍; പിന്നാലെ നഷ്ടപ്പെട്ടത് അക്കൗണ്ടിലെ മുഴുവന്‍ തുകയും ! കുവൈറ്റില്‍ സംഭവിച്ചത്‌
Byadmin
Feb 27, 2024