കോട്ടയം: നിയന്ത്രണംവിട്ട ബൈക്ക് മറിഞ്ഞ് യുവാവ് മരിച്ചു. നരിയങ്ങാനം കുളത്തിനാല്‍ ജോയിയുടെ മകന്‍ ജോഫിലാ(19)ണ് മരിച്ചത്. ഇന്നലെ രാത്രി എട്ടിന് പാലാ- ഈരാറ്റുപേട്ട റൂട്ടില്‍ പനയ്ക്കപ്പാലത്താണ് അപകടം.
അപകടത്തെത്തുടര്‍ന്ന് പരിക്കേറ്റ് റോഡില്‍ കിടന്ന ജോഫിലിനെ നാട്ടുകാര്‍ ഭരണങ്ങാനത്തെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. ഡിഗ്രിക്ക് പഠിക്കുകയായിരുന്ന ജോഫില്‍ സമീപകാലത്ത് വിദേശത്ത് പോകാനുള്ള തയാറെടുപ്പിലായിരുന്നു. സംസ്‌കാരം പിന്നീട്.
