തൊടുപുഴ: അടിമാലിയില്‍ ഷെല്‍ട്ടര്‍ ഹോമില്‍ കഴിഞ്ഞിരുന്ന 15 വയസുകാരിയെ കാണാതായി. പരീക്ഷ കഴിഞ്ഞ് പൈനാവില്‍ നിന്ന് ബസില്‍ തൊടുപുഴയിലേക്ക് തിരികെ വരുന്നതിനിടെയാണ് പെണ്‍കുട്ടിയെ കാണാതായത്.
ഇന്നലെ വൈകിട്ടാണ് സംഭവം. സാമൂഹിക മാധ്യമം വഴി പരിചയപ്പെട്ട ശേഷം അഞ്ചുപേര്‍ ചേര്‍ന്ന് പീഡിപ്പിച്ചെന്ന 14കാരിയുടെ പരാതിയെത്തുടര്‍ന്ന് പ്രതികളെ അറസ്റ്റ് ചെയ്തിരുന്നു. സംഭവശേഷം പെണ്‍കുട്ടിയെ ചൈല്‍ഡ് വെല്‍ഫെയര്‍ കമിറ്റിയുടെ പ്രത്യേക ഷെല്‍ട്ടര്‍ ഹോമിലേക്ക് മാറ്റുകയായിരുന്നു.
കൗണ്‍സിലിങ്ങിന് വിധേയമാകേണ്ട സാഹചര്യമായിരുന്നു പെണ്‍കുട്ടിക്ക്. അതിനിടെ പരീക്ഷ എഴുതാന്‍ വേണ്ടിയാണ് പെണ്‍കുട്ടിയെ പൈനാവിലേക്ക് കൊണ്ടുപോയത്. ബന്ധുവീടുകള്‍, പെണ്‍കുട്ടിയുമായി സൗഹൃദമുള്ള ഇടങ്ങള്‍ എന്നിവിടങ്ങളില്‍ പോലീസ് പരിശോധന നടത്തിവരികയാണ്.
പരീക്ഷ കഴിഞ്ഞ് ബസില്‍ തിരികെ പോകുന്നതിനിടെ അടിമാലിയില്‍ ഷെല്‍ട്ടര്‍ ഹോമില്‍ കഴിഞ്ഞിരുന്ന 15 വയസുകാരിയെ കാണാതായി; അന്വേഷണം ഊര്‍ജിതമാക്കി പോലീസ്
Byadmin
Feb 25, 2024