തൃശൂര്‍: ഉറക്കത്തിനിടെ യുവാവിന്റെ മൊബൈല്‍ ഫോണ്‍ പൊട്ടിത്തെറിച്ചു. തലനാരിഴയ്ക്ക് ഒഴിവായത് വന്‍ദുരന്തം. ചാവക്കാട് ഒരുമനയൂര്‍ മൂന്നാംകല്ലില്‍ പാറാട്ട് വീട്ടില്‍ കാസിമിന്റെ വീട്ടില്‍ ഇന്ന് പുലര്‍ച്ചെ നാലിനാണ് സംഭവം. കാസിമിന്റെ മകന്‍ മുഹമ്മദ് ഫഹീമിന്റെ റഡ്മി കമ്പനിയുടെ ഫോണാണ് പൊട്ടിത്തെറിച്ചത്. എന്നാല്‍, എന്തുകൊണ്ടാണ് ഫോണ്‍ പൊട്ടിത്തെറിച്ചതെന്ന കാരണം വ്യക്തമല്ല.
ഫോണ്‍ അടുത്തു വച്ചാണ് ഫഹീം ഉറങ്ങിയത്. ഇതിനിടെ ഫോണ്‍ പൊട്ടിത്തെറിക്കുകയായിരുന്നു. ശബ്ദം കേട്ട് ബെഡില്‍ ഉറങ്ങി കിടക്കുകയായിരുന്ന ഫഹീം എഴുന്നേറ്റപ്പോള്‍ മുറിയില്‍ പുക നിറഞ്ഞിരിക്കുന്നതാണ് കണ്ടത്.
അതേസമയം ശബ്ദം കേട്ട് വീട്ടിലുണ്ടായിരുന്നവരും മുറിയിലെത്തി. പിന്നീട് വെള്ളമൊഒഴിച്ചാണ് തീ അണച്ചത്. ബെഡ് ഭാഗികമായി കത്തിയ നിലയിലാണ്.
