തിരുവനന്തപുരം: ഒടുവില് ആശങ്കകള്ക്ക് വിരാമം. ചാക്കയില് കാണാതായ രണ്ടുവയസുകാരിയെ കണ്ടെത്തി. 19 മണിക്കൂറിന് ശേഷമാണ് കുട്ടിയെ കണ്ടെത്തിയത്. കൊച്ചുവേളി റെയില്വേ സ്റ്റേഷന് സമീപത്തെ ഓടയില് നിന്നാണ് കണ്ടെത്തിയത്. കുട്ടിയെ തിരുവനന്തപുരം ജനറല് ആശുപത്രിയില് പ്രവേശിപ്പിച്ചു.
ആരോഗ്യനില തൃപ്തികരമെന്ന് ഡോക്ടര്മാര് അറിയിച്ചു. ഇന്നലെ രാത്രി 12നാണ് ബിഹാര് സ്വദേശികളായ നാടോടികളുടെ രണ്ടു വയസ്സുള്ള പെണ്കുട്ടിയെ കാണാതാകുന്നത്. വിവരം അറിഞ്ഞയുടന് തന്നെ പോലീസ് അന്വേഷണം ഊര്ജ്ജിതമാക്കിയിരുന്നു. റെയില്വേ സ്റ്റേഷന്, ബസ് സ്റ്റാന്ഡുകള് ഉള്പ്പെടെ പോലീസ് വിശദമായ പരിശോധന നടത്തിയെങ്കിലും കണ്ടെത്താനായിരുന്നില്ല.