ഭോപ്പാല്‍: മധ്യപ്രദേശില്‍ 200ഓളം പശുക്കള്‍ ദുരൂഹ സാഹചര്യത്തില്‍ കാട്ടിനുള്ളില്‍ ചത്തനിലയില്‍. ഇതിന് പിന്നിലുള്ള കാരണം വ്യക്തമായിട്ടില്ലെന്നും അന്വേഷണം തുടരുകയാണെന്നും പൊലീസ് പറഞ്ഞു.
ശിവ്പുരി ജില്ലയിലാണ് നാടിനെ നടുക്കിയ സംഭവം. സാലാര്‍പൂര്‍ റോഡില്‍ ദേശീയപാതയില്‍ നിന്ന് 600 മീറ്റര്‍ അകലെ കാട്ടിനുള്ളില്‍ നിന്നാണ് പശുക്കളുടെ ജഡം കണ്ടെത്തിയത്.വിവരം അറിഞ്ഞ് സ്ഥലത്തെത്തിയ പൊലീസ് അന്വേഷണം ആരംഭിച്ചു.
പശുക്കളെ കൂട്ടത്തോടെ ചത്തനിലയില്‍ കണ്ടെത്തിയ സംഭവത്തിന് പിന്നിലെ കാരണം വ്യക്തമല്ല. ചത്ത പശുക്കളുടെ ജഡം ആരെങ്കിലും ഇവിടെ കൊണ്ടുവന്ന് ഉപേക്ഷിച്ചതാണോ എന്നതടക്കം സംശയിക്കുന്നുണ്ട്.
നഗരത്തിന്റെ വിവിധ ഭാഗങ്ങളിലുള്ള പശുതൊഴുത്തുകളില്‍ ചത്ത പശുക്കളുടെ ജഡം ഇവിടെ കൊണ്ടുവന്നിട്ടതാണോ എന്നതും അന്വേഷിക്കുന്നുണ്ടെന്നും പൊലീസ് പറയുന്നു.
മധ്യപ്രദേശില്‍ 200ഓളം പശുക്കള്‍ ദുരൂഹ സാഹചര്യത്തില്‍ കാട്ടിനുള്ളില്‍ ചത്തനിലയില്‍
Byadmin
Feb 19, 2024