മലപ്പുറം: തിരൂരില്‍ റിമാന്‍ഡ് പ്രതി കുഴഞ്ഞുവീണു മരിച്ചു. മലപ്പുറം ആതവനാട് സ്വദേശി അബ്ദുള്‍ റഷീദാണ് മരിച്ചത്. പോക്സോ കേസില്‍ റിമാന്‍ഡിലായി തിരൂര്‍ സബ് ജയിലില്‍ കഴിയുകയായിരുന്നു ഇയാള്‍.
ഇന്ന് ഉച്ചയ്ക്ക് നെഞ്ചുവേദന അനുഭവപ്പെടുകയായിരുന്നു. തിരൂര്‍ ജില്ലാ ആശുപത്രിയില്‍ എത്തിച്ചെങ്കിലും പരിശോധനയില്‍ കുഴപ്പമില്ലെന്നായിരുന്നു ഡോക്ടര്‍മാര്‍ പറഞ്ഞത്. തിരികെ സബ്ജയിലിലേക്ക് കൊണ്ടുപോയി. രാത്രി ജയിലില്‍ കുഴഞ്ഞുവീണ പ്രതിയെ വീണ്ടും തിരൂര്‍ ജില്ലാ ആശുപത്രിയിലേക്ക് കൊണ്ടു പോയെങ്കിലും മരിച്ചു.
സ്വകാര്യ ബസില്‍വച്ച് പ്രായപൂര്‍ത്തിയാകാത്ത പെണ്‍കുട്ടിയോട് ലൈംഗികാതിക്രമം നടത്തിയ കേസില്‍ റിമാന്‍ഡിലായ റഷീദിനെ വെള്ളിയാഴ്ച വൈകിട്ടാണ് തിരൂര്‍ സബ് ജയിലില്‍ എത്തിച്ചത്.
സ്വകാര്യ ബസില്‍വച്ച് പെണ്‍കുട്ടിയോട് ലൈംഗികാതിക്രമം; പ്രതി ജയിലില്‍ കുഴഞ്ഞുവീണു മരിച്ചു
Byadmin
Feb 18, 2024