വിതുരയില്‍ തേനീച്ചയുടെ കുത്തേറ്റ് എട്ട് തൊഴിലുറപ്പ്  തൊഴിലാളികള്‍ക്ക് പരിക്ക്; മൂന്നുപേരുടെ നില ഗുരുതരം

തിരുവനന്തപുരം: നെടുമങ്ങാട് വിതുരയില്‍ തേനീച്ചയുടെ കുത്തേറ്റ് എട്ട് തൊഴിലുറപ്പ് തൊഴിലാളികള്‍ക്ക് പരിക്കേറ്റു. മൂന്നു പേരുടെ നില ഗുരുതരമാണ്. ഇന്ന് വൈകിട്ടാണ് സംഭവം. തൊഴിലുറപ്പ് സംഘത്തെ ജോലിക്കിടെ തേനീച്ചകള്‍ കൂട്ടത്തോടെ ആക്രമിക്കുകയായിരുന്നു. ഗുരുതര പരിക്കേറ്റവരെ മെഡിക്കല്‍ കോളജ് ആശുപത്രിയിലും മറ്റുള്ളവരെ വിതുര താലൂക്ക് ആശുപത്രിയിലും പ്രവേശിപ്പിച്ചു.