കണ്ണൂര്‍: കൊട്ടിയൂരില്‍ മയക്കുവെടിവച്ച് പിടികൂടിയ കടുവ ചത്തത് അണുബാധ മൂലമെന്ന് പ്രാഥമിക പോസ്റ്റുമാര്‍ട്ടം റിപ്പോര്‍ട്ട്. കമ്പിവേലിയില്‍ കുടുങ്ങിയപ്പോഴുണ്ടായ സമ്മര്‍ദ്ദവും മരണകാരണമായി. കടുവയുടെ കരളിലും കുടലിലും അണുബാധയുണ്ടെന്നാണ് റിപ്പോര്‍ട്ട്. ഇന്നലെ രാത്രി എട്ടരയോടെയാണ് കണ്ണൂരില്‍ നിന്നും കടുവയെ പിടികൂടിയത്. തൃശൂരിലെ മൃഗശാലയിലേക്ക് മാറ്റുന്നതിനിടെയാണ് കടുവ ചത്തത്. വലതു ഭാഗത്തെ പല്ലു പോയതിനാല്‍ കാട്ടില്‍ വിടാന്‍ കഴിയില്ലാത്തതു കൊണ്ടാണ് കടുവയെ തൃശൂര്‍ മൃഗശാലയിലേക്ക് മാറ്റാന്‍ വനംവകുപ്പ് തീരുമാനിച്ചത്.
തൃശൂരിലേക്ക് കടുവയുമായി വനം വകുപ്പ് സംഘം പോകുമ്പോള്‍ കൊണ്ടോട്ടിയില്‍ വച്ച് കടുവ അനങ്ങുന്നില്ലെന്ന് മനസിലാക്കിയ വെറ്റിനറി ഡോക്ടര്‍മാരുടെ സംഘം വിശദ പരിശോധന നടത്തിയപ്പോഴാണ് കടുവ ചത്തെന്ന് ഉറപ്പിച്ചത്. സംഭവത്തില്‍ വിശദമായ അന്വേഷണം നടത്തുമെന്ന് മന്ത്രി എ.കെ. ശശീന്ദ്രന്‍ പറഞ്ഞു.
മയക്കുവെടിവച്ച് പിടികൂടിയ കടുവ ചാകാന്‍ കാരണം സമ്മര്‍ദ്ദവും അണുബാധയും; കരളിലും കുടലിലും അണുബാധയെന്ന് റിപ്പോര്‍ട്ട്
Byadmin
Feb 14, 2024