കൊച്ചി: കൊച്ചിയിലെ പി.എഫ്. ഓഫീസില് വിഷം കഴിച്ച് ആത്മഹത്യക്ക് ശ്രമിച്ചയാള് മരിച്ചു. തൃശൂര് പേരാമ്പ്ര സ്വദേശി ശിവരാമനാണ് മരിച്ചത്. അപ്പോളോ ടയേഴ്സിലെ ജീവനക്കാരനായിരുന്നു ശിവരാമന്.
ഇന്നലെയാണ് സംഭവം. പി.എഫ്. ലഭിക്കാത്തതില് മനംനൊന്ത് ഇന്നലെയാണ് ശിവരാമന് ഓഫീസിലെത്തി വിഷം കഴിച്ചത്. ഉടന് തന്നെ സ്വകാര്യ ആശുപത്രിയില് പ്രവേശിപ്പിച്ചു. ചികിത്സയിലിരിക്കേ ആരോഗ്യനില വഷളായതിനെത്തുടര്ന്നാണ് മരിച്ചത്.
